Қоян етінің пайдасын білесіз бе?

Ақтөбелік кәсіпкер қоян өсіріп, пайда таппақ. Жеке бизнесін бастарда небары 14 қоян сатып алыпты. Қазір олар көбейіп, 300-ден асты. Енді қоян еті жергілікті сауда орындарында сатуға шығарыла бастады. Оған сұраныс та жоқ емес. Кәсіпкер табысты ісін өркендету үшін арнайы цех ашпақшы. Қояндар жабық қорада емес, аулада өсіріледі. Оларға арнайы жерден бір метр биіктікте орналасқан 32 үйшік жасалған. Аман Қайыров шетелде тәжірибе жинақтап, қоян өсірудің қыр-сырын үйреніп келген. «Ресейлік ғалым Игорь Михайловтың әдісін қолданамын», – дейді. Аман Қайыров, мал дәрігері -Қоянның еті денсаулыққа өте пайдалы. Иммунитеті жоғары. Жеңіл. Біздер қоянды жаңа көбейтіп жатырмыз. Қазіргі таңда 320 бас қоянымыз бар. Ендігі осы нарыққа енді шығудамыз. Экологиялық таза өнім шығару үшін арнайы цех та салынып жатыр. Қоян етінің адам ағзасына пайдасы мол. Қорғаныс қабілетін нығайтып, улы заттарды шығаруға септігін тигізетіндігі дәлелденген. Сондықтан Аман Қайыров бұл өнімге сұраныс жоғары боларына сенімді. Ал кәсіпкерлер палатасы нарыққа шығару жолдарын кеңейтуге атсалыспақ. Нұрбол Аймағанбетов, облыстық кәсіпкерлер палатасының маманы -Бір беттік сайт ашып беруге көмектесеміз. Сонымен қатар өзіміздің жергілікті супермаркет, гипермаркет желілері арқылы осы кәсіпкердің тауарын өткізуге ықпалдасатын боламыз. Қазірдің өзінде кәсіпкер қоян етін бірнеше сауда орындарында сатуға шығарып отыр. Енді көп ұзамай ұзынқұлақтының ірі тұқымы да өсірілмек. Авторлары: Нұргүл Қонақбаева, Александр Степаненко