Laboratori i falsifikimeve, Klan Plus zbardh skemën

Klan Plus siguron detaje të reja për mënyrën se si funksiononte laboratori i prodhimit të dokumenteve të falsifikuara në kryeqytet. Zyrtarë të policisë tregojnë se çfarë dokumentesh prodhoheshin dhe në çfarë elementësh sigurie arrihej të ndërhyhej nga ana e falsifikatorëve. Policia tregon për Klan Plus se gjatë hetimit është arritur të zbulohet se kartat e identitetit shqiptare dhe pasaporta porositeshin kryesisht nga shtetas të Kosovës, për të lëvizur pa viza. Përfitimi financiar për falsifikatorët ishte joshës dhe ata paguheshin në shifra të ndryshme, në varësi të dokumentit të porositur nga të interesuarit. Nën hetim për të njëjtën veprimtari kriminale, policia ka dhe disa grupe të tjera që bashkëpunojnë dhe me shtetas të huaj. KLAN PLUS