Завхан гол "Очирваань уул" холбоо Zavhan Gol duu Duuchin Batsuh.

Завхан гол Монгол Улсын урлагийн гавъяат зүтгэлтэн, хөгжмийн зохиолч Ц.Жамъян Монгол Улсын урлагийн гавъяат зүтгэлтэн, яруу найрагчН. Лутбаяр Өрмөл шаргалыг хормойдсон Өмнийн нарыг түнэлсэн Хадаг яндар Завхан гол Хаа хүрэхээр тэмүүлнэ вэ Ээ Завхан гол Элсний нvvдэл шиг чимээгүй Ай Завхан гол Анир үргээж адуу тургилна Хөлчүү зэрэглээ сандаалсан Хөлөрсөн манхныг сэрvvцүүлсэн Хатан тунамал Завхан гол Халхын нутгаар ороолно Ээ Завхан гол Элсний нvvдэл шиг чимээгүй Ай Завхан гол Зовлон жаргалаар мэлмэрсэн Зорголын нүд шиг ус гүйсэн Мөрөнгийн энтэй Завхан гол Мөнхийн усыг орлоно Завхан гол нь Говь-Алтай, Завхан аймгуудын заагт орших Монголын томоохон голуудын нэг.Тус гол нь Хангайн нурууны ноён оргил Отгонтэнгэрийн хоёр талаас эх авах гол горхиор усжина. Хангайн өмнө хажуугаас эх авдаг Буянт, Шар-Ус хоёр голын хоёр бэлчирийг Завхан голын эх гэж үздэг. Буянт ба Шар-Ус голын хөндийд мөсдөлийн морены хурдас нь тогтсон хэдэн арван нуур байх (хамгийн том нь Хөх нуур) ба өөр хоорондоо гол горхиор холбогдсон эдгээр нуурууд нь илүүдэл усаа Завхан голд цутгана.Завхан гол нь Хангайн нуруунаас мултармагц өмнө зүгийг орхиж баруун хойш Их нууруудын хотгорыг чиглэн урсана. Тайшир сум хүртэл эхний хэсэгт голдрилын өргөн 30-60 м, усны гүн 0.6-25 м, урсгалын хурд 1-1.5 м/сек байна. Тайшираас доош хэсэг газар голдрил нь 3-8 хүртэл салаалах тул үндсэн голдрилыг ялгахад бэрх. Завхан голын баруун гараас түүний хамгийн том цутгал Шурагийн гол нийлнэ. Богд голын цутгалаас доош голдрил 100-350 м хүртэл өргөсөн задгайрч, усны гүн 0,7-1,5 м, урсгалын хурд 0.7-1,2 м/сек болно.