ကိုချစ်ကိုဦး-ပစ၁၉၄၆၅၆-စစ်မှူထမ်း အပတ်စဉ် ( ၂၀ )

"သင်တန်းကျောင်းမှာတော့ ကလေးတွေရော သက်ကြီးရွယ်အိုတွေရော အကုန်ပါပါပါတယ်။ ဉာဏ်ရည်မမီတဲ့သူတွေ၊ အရက်ကြောင်တာ၊ ဆေးသုံးစွဲပြီးကြောင်တာတွေကျတော့ သူတို့သင်တာကို နားမလည်ကြတော့ ရိုက်ပါတယ်" (ကိုချစ်ကိုဦး-ပစ၁၉၄၆၅၆-လယ်လုပ်ပြီးအပြန် ပေါ်တာဆွဲရောင်းစားခံရသူ) အကြမ်းဖက်စစ်တပ်ဟာ စစ်သားလခနဲ့ ကိုယ်ပိုင်လေယာဉ်ဝယ်စီးနိုင်၊ ဒေါ်လာဘီလျံချီကုမ္ပဏီတွေကိုသားသမီးတွေအတွက် တည်ထောင်ပေးနိုင်တဲ့ မင်းအောင်လှိုင်ခေါင်းဆောင်တဲ့ စစ်ဗိုလ်ချုပ်တွေ အာဏာတည်မြဲရေးအတွက် မတရားပေါ်တာဆွဲဖို့ စစ်မှုထမ်းဥပဒေကိုပြဌာန်းခဲ့တာ ၂နှစ်ပြည့်ပါတော့မယ်။ ဒီနနှစ်အတွင်းမှာ တိုင်းပြည်အနှံ့က အပြစ်မဲ့လူငယ်လူရွယ်တွေရဲ့ ဘဝတွေဟာ များစွာထိခိုက်ပျက်စီးခဲ့ရပါတယ်။ တိုင်းပြည်ဘဏ္ဍာခိုးဖို့သာ အားသန်တဲ့စစ်တပ်ဟာ အရည်အချင်းတစက်မှမရှိတာကြောင့် ၁၀၂၇ စစ်ဆင်ရေးအပါအဝင်‌ တော်လှန်ရေးကာလငါးနှစ်မှာ အဆမတန် အင်အားပြုန်းတီးခဲ့ပါတယ်။ ဒါ့ကြောင့် ဒါကို ပြန်ဖြည့်ဆည်းဖို့အတွက် အရေအတွက်ကို အဓိကယူပြီး ရသမျှပေါ်တာဆွဲခဲ့ပါတယ်။ အသက်မပြည့်သေးရင် မှတ်ပုံတင်ရိုက်ပြီး အသက်ပြည့်စေသလို၊ ဉာဏ်ရည်မမီသူ၊ ကျန်းမာရေးချို့တဲ့သူကအစ မချန် ပေါ်တာဆွဲခဲ့တာကိုလည်း တတိုင်းပြည်လုံးအသိပါပဲ။ လက်ရှိမှာလည်း အဲ့ဒီပေါ်တာဆွဲပစအင်အားစုတွေကို အလုံးအရင်းနဲ့ ရှေ့တက်အသေခံခိုင်းပြီး စစ်ရေးအောင်ပွဲလို့ ဟန်လုပ်ဝံ့ကြွားနေပေမယ့် အလင်းဝင်ပစအရေအတွက်ဟာ နေ့စဉ်ရှိနေပါတယ်။ ပစသေဆုံးမှု အလောင်းကို ဖြစ်သလို ချန်ထားခဲ့မှုတွေဟာ လူမဆန်တဲ့ရက်စက်မှုတွေဖြစ်ပါတယ်။ ကိုချစ်ကိုဦးရဲ့ ဖြေဆိုမှု အပြည့်အစုံကို နားဆင်နိုင်ပါပြီ။ ကိုချစ်ကိုဦးကတော့ပြည်သူ့ကာကွယ်ရေးတပ်မတော်ဆီ အလင်းဝင်လို့ အသက်ရှင်ခဲ့ပါပြီ။ တခြားသော ပစတွေအနေနဲ့လည်း အလင်းဝင်မှ အသက်ရှင်မယ့်အကြောင်း သတိပေးလိုပါတယ်။