خالد ال بريك - الغيت حالات وتسابي مع اخر ظهور 2025

ياراسي اللي على الدنيا واهلها صبور ماعاد فيني على الدنيا واهلها صبر تعبت اجامل واثر كل المجامل دبور لو ترضي الناس يزعل زيد ولاعمر الغيت حالات وتسابي مع اخر ظهور حتى اني اسلم من الشرهه وكل الكدر مجاهد الناس جبهة حرب مثل الثغور اذا غزاك العدو ماتنسحب تنتحر ما أصعب انك تعيش انسان ميت شعور لاكنّ الاصعب تعيش انسان ميت قهر والحاجه اللي تبينا نلف ولا ندور مالي وراها طمع مالي عليها نظر في محزمي طلقه وماباقي الا تثور من بطن بلجيك مضربها يفج النحر من كثر مافيني حميّا ودمي يفور والله لو ازلّ دمي كان فار خدر وانت احتزم بي ياعبدالله بكل الامور لو قلت نطلع على مكوّك سطح القمر ولاانيّ اغوص لك واسبح بسبع البحور ولا انيّ اطلع جبل ولا اني انحت صخر والله ماني بمختالً ولاني فخور لاكني اليوم في ماقف يثير الفخر خمسه وعشرين تسعه سجلولي حضور عن حفلكم ياعيال العود مالي عذر ياراكب اللي صفط فالبايكه من شهور بي ام سبع ميه مخصص لدرب السفر صوت اشتغال المحرك حين لف السيور كنه تقاسيم دقة عود تقهوى الهجر تله ولد عود له سمعه وصيت مخبور حدر من المجمعة قاضب طريق الحفر عدّ الحفر واضرب الرقعي وختم عبور من مركز السالمي ختّم جوازه عصر خطرً من السرعه يصيده رادار المرور عيباني مرددّ ولاشال هم الخطر تلّه على السابع بنمره وسرعه وجور ماردّه الا الاشاره فوق جسر الظهر حتى يشوف الصباحيه وذيك القصور منصاه ديوان شيخً لنشاما مقر ديوان ساري سبيل اللي يسر الصدور مدهل نشاما وساس البيت عز وظفر من حين تقبل على بابه دخلك السرور بالطيب مشهود له من بدو ولا حضر مرحوم ياللي غلب شوره على كل شور الشايب اللي فعوله للعرب تنذكر ياضيقة الحي ولا فرحة اهل القبور يالله عسى ساري بجنّه ورضً خضر في ذكر ساري يزيد الطيب والنور نور امعطر السمعه وسيرته مسك وعطر الصقر من ماكره ورث حرارً صقور ولاد ساري على العليا لهم مستقر الطيب متوارثينه من قديم العصور من راس عودً يشب النار يقدح سطر العزوه اللي لهم في كل ميقاف دور الاسم والفعل والتاريخ كله فخر المدح ينساق لطيّب طويل الشبور الصيت منجم ذهب والفعل نار وجمر احمد بن عبدالله