Ақтөбеде Сазды, Жіңішке өзендерінің деңгейі көтеріліп, саяжайларға тағы су кірді

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Ақтөбе қаласында да тасқынның қаупі әлі сейілген жоқ. Сазды, Жіңішке өзендерінің деңгейі көтеріліп, саяжайларға тағы су кірді. Ал бір аптадан бері мектепте жатқан мыңнан астам тұрғынды "алдағы күніміз не болады" деген ой мазалайды. Олар эвакуация орталығынан шыққаннан кейін далада қалудан қорқады. Себебі, су басқан баспанада тұру мүмкін емес деп отыр. Толығырақ саяжай жұртының жанайқайын әріптесім Кәмшат Қопаева тыңдап қайтты. --------------------------------------------- Теңдессіз жобамызға көз салыңыз:    • Сөздің шыны керек: [журналистік зерттеулер]   Бүгінгі шығарылымда: Қаланың іргесіндегі «Ақтөбе рентген», «Зеленстрой» саяжайларына тағы су жайылды. Тасқының екінші толқынынан кейін тұрғындардың уайымы да күшейген. Бір аптадан бері мектепте жатқан жұрт баспанамыз жарамсыз болып қалды деп қорқады. Эвакуация орталығынан шыққанда «қайда баратынымызды білмейміз» деген бұқара әкімдіктен көмек сұрады. САМАЛ БАЛМАҒАМБЕТОВА, «ЗЕЛЕНСТРОЙ» саяжайының тұрғыны: – Менің алты балам бар. Мен үй кезегінде тұрмын. Ол жерде жылда су қаупімен отырамыз. Тап електің жағасында тұрамыз. Үй сұраймын. Үйімізге төбемізге дейін кірді су. Дүние-мүлік дым қалған жоқ. Тек өзіміз бала-шағамызбен осында отырмыз. Қайда барамыз?! Мен ешқандай қымбат квартираға бара алмаймын. Менің жағдайым келмейді. ИНДИРА ҚАЛДЫБАЕВА, «АҚТӨБЕ РЕНТГЕН» саяжайының тұрғыны: – Мен көп балалы анамын. Бес балам бар. Бір балам учетта тұрады. Мектепке орналастырдық. Осы жақта жатырмыз. Бізге баспана керек. Үйіміз жарамсыз. Суға кетіп қалды. Кеше барды комиссия. Комиссия барғанмен кіре алмай кетті. Кеше тағы екінші рет қайталанып келді. Мына жақта ертең сабақ басталады деп жатыр. Сабақ басталғанда қайда барып тұрамыз. Осылай деп шыр-пыр болған қараша су басқан үйлердің ішінде бүлінбеген дүние-мүлік қалмағанын жеткізді. Ауланы балшық басқан. Тұрғындар су сіңіп, сыз тартқан үйлердің оңайшылықпен кеппейтінін айтады. ҚҰРАЛАЙ ЖАҚСЫЛЫҚОВА, «АҚТӨБЕ РЕНТГЕН» саяжайының тұрғыны: – Үйіміз мынадай жағдайда. 28 күні 11-ден 15 кеткенде су лап етті. Соңында машинамен шығып үлгердік. Еш нәрсе іске аспайды. Техника бәрі, жатын орнымыз. Төсек орнымыз, киімдеріміз. Ешқандай ештеңе жоқ. Міне кептіріп кептіріп киіп жүрміз. Ертеңгі күні мектептен шығарғанда қайда барамыз? Сол бізге мәселе, ыждағаттап бізге шешіп берсе. Ал әкімдіктегілер тасқыннан зардап шеккен тұрғындардың барлығы назардан тыс қалмайды деп сендірді. Арнайы құрылған комиссияға 946 арыз түскен. Оның 90 пайызын саяжай тұрғындары жазыпты. АСЛАНБЕК ШҮЙІНШАЛИЕВ, Ақтөбе қаласы «Алматы» ауданының әкімі: – Техник пен оценщик шығып, тиісті есебін ұсынады. Бұзылып қалған үйге, тұруға келмейтін авариялық деңгейдегі үйге барып орнына уақытша қалай қоныстанымын, қай жерге барамын деген мәселе штабпен қосымша зерттеліп жатыр. Оны да жақын арада тұрғындардың назарына жеткіземіз. Саяжай халқы атқамінерлер баспана мәселесін тезірек шешіп берсін деп отыр. Себебі, мектеп бәрібір үй болмайды. Ақтөбе облысында тасқынмен күрес әлі жүріп жатыр. Аймақтағы «Щербаковское» бөгетінің бұзылуына қатысты қылмыстық іс қозғалды. Осы бөгеттің кесірінен өңірде мыңдаған адам қауіпсіз жерге көшіріліп, жүздеген баспана су астында қалған болатын. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp - https://whatsapp.com/channel/0029VaDm... TikTok - https://www.tiktok.com/@informburo31?... Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық