Bòsu Giudicài - Marcello Ledda - Cantzoni a curba

Una canzone scritta da Marcello Ledda qualche anno fa ed eseguita dallo stesso autore con voce e chitarra . Segue testo ... Bòsu giudicài E imòi chi m’aprèstu a deppi’ cantai O pòpulu ascùrta cun attentziòni Sonu sa ghitarra po m’acumpangiài Bosus giudicài a perfezioni Ca de sa cantzoni ndi conosciu is curbas E de is artis furbas mi fatzu nemigu Ca no ‘nc’est amigu chi podit cumpèti E nimmancu in setti mi point aguantài Mi point aguantai gey est sa beridadi Poìta ca connòsciu cudda camminèra E si ant’ascurtai cun severidadi Sorris no ‘nd’incòsciu po sa carriera Ca sa cosa vera bolit apretzàda Sa boxi intonada tengu de pippìu De bisàiu miu notu sonadori Arti e valori po ereditai Po ereditai s’arti de su sonu Poita no s’agatat mancu in su mercàu Gey mi dd’anti nau ca tengu su donu Ma y cussu no bastat po essi’ nomenàu Su mundu at pigàu una piega brutta Genti farabutta teneus cumandèndi Burricus cantèndi a d’onnia momentu Est unu turmèntu a ddus’ascurtài A ddus’ascurtài nci bolit coraggiu Ca s’origa ancora tenit dignidàdi Ddus’emm’a donài una balla ‘e fròragiu Po nci ddus bogai sen’e piedadi Ca molas ncind’adi po podi girai Musich’e sonai tott’a bimbambò Si nanta de no’ m’incàtzu che mulu E ddis segu su culu po iscramentài Po iscramentài esiliaus boliant O sa lingua intera beni iscardancàda Aici chi su soli mi ddus assubentat Acqua non lingiant mancu giai pisciàda Ca sa stornellada deu sigu a cantai Giai ca su dinài no passat accanta Si a Sardegna canta presentat Marongiu Is bentus de attongiu ndi dd’ant a pigài Ndi dd’ant a pigài mancài a carrùcciu Cun s’amigu Gianni setziu a carrettòni Su forru ‘e is mattònis est in bi’e Quartucciu Ma po scabulài bandaus a Tasòni Giai chi su presòni est cosa riservàda Po una retzàda de bòcci pillònis Ncind’ad’a muntònis genti improvvisàda Chi po una cagàda pigant dinài Pigant dinài po iscumparzìri Su xèntu po xèntu po cummessiòni Ma sa tradizioni finu a s’altra diri Fiat sa beridadi una missiòni E ‘nci bolit callònis po deppi’ cantài Ca po ascurtài genti ncind’est puru Ma no m’ind’incùru no mi enit s’affannu E in su stampu mannu gey nci’ant’a torrài !!!!!!