麥明詩盛勁為舉辦婚宴 林作媽媽現身送祝福

麥明詩盛勁為舉辦婚宴 林作媽媽現身送祝福 麥明詩同盛勁為喺3月24號擺酒舉行婚宴，獲馮盈盈、鄭衍峰、同麥大力擔任兄弟姊妹團，一對新人甜蜜咀嘴，幸福滿瀉，Louisa喺結婚過程中多次開心到喊，好多朋友更祝福佢哋早生貴子，佢哋都話有呢個計劃，仲話會趁婚假養精蓄銳為生BB做足準備。 而呢晚劉佩玥、吳業坤、江美儀、陳庭欣、戴祖儀、郭子豪、鄧卓殷、丁子朗、洪永城、唐詩詠、黃德斌、翁嘉穗同老公都有到賀，但最驚喜嘅莫過於係Louisa舊愛林作嘅媽媽王莉妮現身，原來佢係以Louisa契媽身份送上祝賀，佢更大讚盛勁為好靚仔好型，自己個仔完全比下去，林媽媽仲話覺得好可惜，之前一直好想阿仔箍煲，最終事與願違。不過林媽媽阿仔都有託佢向Louisa送上祝福。 林作同裕美日前post出結婚相，問到林媽媽囝囝係咪都好事近？林媽媽竟然話林作影婚照係因為受到刺激，仲話自己安慰阿仔叫佢睇開啲，至於講到會畀裕美呢個準新抱幾多分？林媽媽似有難言之隱，只係話佢合格咋。 盈盈見證住好姊妹Louisa覓得真愛都好戥對方開心，佢仲話喺一對新人之間嘅互動，已經感受到佢哋係有幾恩愛，佢仲大讚兩人係最佳拍檔。至於兄弟之一嘅麥大力，之前喺美國滑雪傷腳，雖然仲要撐住拐杖，但大力都堅持上陣，認真唔話得，而Leonard就分享咗兩人相處嘅小趣事。 而啱啱再榮升做爸爸嘅洪永城，就再次同大家分享喜悅，佢仲話細女似媽咪多啲，而大女見到妹妹都好開心，仲鍚咗妹妹一啖添。 #麥明詩 #盛勁為 #婚宴 #咀嘴 #劉佩玥 #吳業坤 #江美儀 #陳庭欣 #戴祖儀 #郭子豪 #鄧卓殷 #丁子朗 #洪永城 #唐詩詠 #黃德斌 #翁嘉穗 #王莉妮 #林作媽媽 #林作 #裕美 #婚照 #受刺激 #盈盈 #麥大力 #鄭衍峰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0