Vrasja e dyfishte ne Shkozet, zbardhen pistat hetimore | ABC News Albania

Dy persona kanë mbetur të vrarë mbrëmjen e së hënës në qytetin e Durrësit. Ngjarja ndodhi rreth orës 18:55, në lagjen nr. 14, Nishtulla, ne Shkozet. Viktimat jane Anxhelo Avdia 24-vjeç dhe Dorjan Shkoza 35-vjeç. Sipas policisç, dyshohet se personat qç kanç humbur jetën janë qëlluar me armë nga një automjet, me të cilin janë larguar nga vendi i ngjarjes. Policia ka mundur të identifikojnë targat dhe është vënë në ndjekje të autorëve. Mësohet se njëri nga viktimat 35-vjeçari Dorjan Shkoza ka qenë i dënuar më parë për trafik droge. Dyshohet se shkak për vrasjen është bërë prishja e pazareve të drogës. Për të bërë të mundur kapjen e autoreve, policia ka ngritur pika kontrolli dhe është rrethuar zona në një perimetër të gjerë. Në hyrje të Rrogozhinës në vendin e njohur si "Bishti i Zhurit" policia ka gjetur një automjet të djegur që dyshohet se është përdorur për vrasjen e dy të rinjve në Shkozet. Gjithashtu janë ngritur pika kontrolli edhe nga Policia e Tiranës dhe Fierit në aksin rrugor Durrës-Tiranë e Durrës-Lushnjë. Në ndihmë të tyre janë nisur dhe grupe të FNSH-së së Tiranës, të cilët do bëjnë krehjen e zonës. Ndërkohë grupi hetimor ndodhet në vendngjarje dhe po mbledhin provat për zbardhjen e kësaj ngjarjeje të rëndë./abcnews.al