Report TV -Ekzekutimi në Lushnjë, Muça dhëndër i Roland Shytit, pjesë e 'Hakmarrjes për Drejtësi'!

#reportTV #lajmeshqip #lajme Lushnja u trondit mbrëmjen e djeshme nga një ekzekutim në mes të qytetin ndërkohë që rrugët ishin të populluara me njerëz. Bledar Muça u ekzekutua duke pirë kafe me kunatin në lokalin e tij bar 'Pedonale'. Tavolina ku ishte ulur viktima e atentatit mbrëmjen e së hënës në Lushnjë, një vend shumë i populluar darkave, ku xhama të thyer, dërrasa të shpuar nga plumba, janë pamjet që na vijnë nga vendi i ngjarjes. E vendosur në rrugë përballë lokalit ‘Bar Pedonale’ që menaxhonte, tavolina njihej si vendi i Bledar Muçës 34 vjeç baba i dy fëmijëve të vegjël. Karriget shtoheshin sipas rastit kur i vinin shokët.