Ahmad Muftizadah - Sarapa am dlla || ئەحمەد موفتی زادە - سەراپا ئەم دڵەم

ئەحمەدی موفتی‌زادە زانای دینی، ئیسلامناس، موجتەھیدی سوننی و شاعیر و چالاکی کوردی ڕۆژھەلاتی کوردستان بوو. موفتیزادە لە ڕێبەرانی بەناوبانگی ئایینی - نەتەوەیی ئێران بوو کە ماوەیەکی زۆر لە بەندیخانەکانی ھەر دوو ڕژێمی پەھلەوی و کۆماری ئیسلامی ئێران بەند کرا. لەدایکبوون؛ ١٩٣٣ - سنە • مەرگ؛ ٩ی شوباتی ١٩٩٣ نەخۆشخانەی ئاسیای تاران • شوێنی گۆڕ؛ تەپەی شێخ حەمە باقری سنە • بەرهەمەکانی؛ لە ئەحمەدی موفتیزادەوە کۆمەڵێک بەرھەمی نووسراو و تۆمارکراو بەجێ ماوە. نووسراوەکانی بریتین لە کۆمەڵێک کتێب، نامە و چەندین دەفتەری شیعر. پتر لە ٣٠٠کاسێتی دەنگ بە زمانی کوردی و فارسی لە بواری تەفسیری قورئان، بیر و باوڕ، عیبادات و فەلسەفەکانی، سیستەمە فکرییەکان، ئابووری و سیاسی ئیسلام و زانستە ئیسلامییەکان • شیعرەکان؛ ⁃ چوار دەفتەری شیعر (بە زمانی کوردی): کە سەرجەم پتر لە 257 پارچە شیعر ⁃ مەولوونامە (بە زمانی کوردی) ⁃ بەیتی لانسار__ ______________ __ سەراپا ئەم دڵەم عەشق و ئەوینە لەبۆ دیداری سالاری مەدینە توخوا بادی سەبا بێرە هەواڵێ لەبۆ غەمگین دڵێ ئاشوفتە حاڵێ کەبەڵكو زامی ناسۆرم دەوا کا لەماڵی حاڵی ناجۆرم ڕەها کا درەختی بەختی عومرم چاوەڕێ یە نەخۆش و دەردەدارو نیشتەجێ یە مەگەر ئاوی حەیاتی دیتنی ئەو لەدوو لابا هەناسەی زوڵمەتی شەو بەئاواتم شەوێ بێت و ئەوینم بەدیی بێت و جەماڵی ئەو ببینم خودایە گەرچی لایەق نیم بەڵام تۆ بڕێژە ڕەحمەتت بابێ لەسەر خۆ دڵی وێرانەماڵم ئاوەدان کا بەهاتن ئەودڵەی من شادمان کا گڕێ بەرباتە گیانم تاکو ماوم بڕژێ کوڵ بدا ئەسرینی چاوم