StarTalk一氣呵成版｜宣萱親自化憔悴坐監妝 陳豪欲踏鑽油台感受浪漫

StarTalk一氣呵成版｜宣萱親自化憔悴坐監妝 陳豪欲踏鑽油台感受浪漫 《執法者們》進入大結局周劇情越嚟越緊湊，視帝 陳豪 馬國明 同視后 宣萱 早前接受 StarTalk專訪，分享三人嘅角色同埋拍攝點滴，宣萱雖然同阿Mo合作過，但佢就忘記曾經都同馬明參演過同一部劇集《尋秦記》，但因為馬明當年仲係新人，當時飾演甲乙丙閒角，所以宣萱唔記得都好正常嘅。不過今時唔同往日，當年閒角馬明，早已經搖身成為演技出色嘅男主角。 喺劇中演被屈坐冤獄嘅宣萱，為咗加強坐監逼真嘅效果，刻意親自化憔悴妝。做慣正義角色嘅佢劇中仲要應付殺人戲份，亦都遇上唔少挑戰，但一向對自己要求好高嘅宣萱，就謙稱話唔太滿意自己嘅表現。而兩位男士就力讚佢演技出色，阿Mo仲大讚拍檔不知幾入戲，同平時嘅宣萱截然不同。 myTV SUPER重溫《執法者們》緊張劇情 https://www.mytvsuper.com/tc/programm... 而再次挑戰律師角色嘅阿Mo，就話呢次演律師嘅方式同以往大不同，單係背對白方面已經比之前輕鬆唔少。曾經喺《壹號皇庭V》演律師嘅宣萱，就勾起當年辛苦嘅拍攝過程，佢話為咗熟練對白，連食宵夜時間都掛住背，諗起都覺得好大壓力呀。 至於馬明呢次亦唔輕鬆，事關佢喺劇中有唔少動作戲份，佢仲話經過呢次嘅拍攝，令佢加深咗認識ICAC嘅運作。 講到呢部劇另一大亮點，就梗係鑽油台呢個取景地，不過三位都未有機會踏足拍攝，阿Mo就表示有啲可惜，佢話雖然拍攝環境遇上唔少挑戰，但係拍出嚟嘅效果就非常靚，係好值得。佢仲話如果可以踏足鑽油台，其實係一種浪漫嘅體驗添。至於三位將來仲有無機會再一齊合作，宣萱就話要視乎角色喇。 《執法者們》結局篇 星期一至五晚 20:30 翡翠台 #StarTalk #執法者們 #視帝 #陳豪 #馬國明 #視后 #宣萱 #大結局周 #尋秦記 #冤獄 #憔悴妝 #殺人 #挑戰 #律師 #壹號皇庭V #ICAC #鑽油台 #浪漫 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0