ပြည်သူချစ်တဲ့ တပ်ချုပ် (သို့) သူရ ဦးတင်ဦး

ပြည်သူချစ်တဲ့ တပ်ချုပ် (သို့) သူရ ဦးတင်ဦး (ရုပ်/သံ) ဧရာဝတီ၊ ဇွန် ၁ ၊ ၂၀၂၄ အမျိုးသားဒီမိုကရေစီအဖွဲ့ချုပ် (NLD) ပါတီရဲ့ နာယက လည်းဖြစ် တပ်မတော် ကာကွယ်ရေးဦးစီးချုပ်ဟောင်း လည်းဖြစ်တဲ့ သူရဦးတင်ဦးဟာ ၂၀၂၄ ခုနှစ် ဇွန်လ ၁ ရက်နေ့မနက်ပိုင်းမှာ လူကြီးရောဂါနဲ့ ကွယ်လွန်ခဲ့ပါတယ်။ သူရဦးတင်ဦး ကို ၁၉၂၇ ခုနှစ် မတ်လ ၁၂ ရက် က ဧရာဝတီတိုင်းဒေသကြီး ပုသိမ်မြို့နယ်မှာ မွေးဖွားခဲ့တာဖြစ်ပြီး သူကွယ်လွန်ချိန်မှာ အသက် ၉၈ နှစ်ရှိပြီဖြစ်ပါတယ်။ သူရဦးတင်ဦးဟာ စစ်ခေါင်းဆောင်တွေရဲ့ လေးစားမှုခံရသူတဦးဖြစ်သလို ပြည်သူတွေရဲ့ လေးစားချစ်ခင်မှုကို ရရှိထားတဲ့ ရှားရှားပါးပါး ကာကွယ်ရေးဦးစီးချုပ်ဟောင်းတဦးဖြစ်ပါတယ်။ တပ်ကအနားယူပြီးနောက် လူထုအရေးတော်ပုံဖြစ်ပွားခဲ့တဲ့ ၁၉၈၈ ခုနှစ် အမျိုးသားဒီမိုကရေစီ အဖွဲ့ချုပ် စတင်ဖွဲ့စည်းခဲ့ချိန်မှာ ဒုတိယ ဥက္ကဌအဖြစ် ပါဝင်ခဲ့ကာ ဥက္ကဌ ဦးအောင်ကြီး နုတ်ထွက်သွားချိန်မှာ ဥက္ကဌ ရာထူးကို ထမ်းဆောင်ခဲ့ပါတယ်။ ၂၀၀၃ ခုနှစ် မေလ ၃၀ ရက်နေ့က စစ်ကိုင်းတိုင်း ဒီပဲယင်းမြို့နယ်မှာ ဖြစ်ပွားခဲ့တဲ့ သမိုင်းဝင် ဒီပဲယင်း အကြမ်းဖက်ခံရမှုမှာ ပါတီဝင်တွေရဲ့ ရှေ့ဆုံးကနေ ကာကွယ်ပြီး အကြမ်းဖက်သမားလူအုပ်ကြီးနဲ့ ရင်ဆိုင်ဖြေရှင်းခဲ့သလို ပါတီဝင်တွေအဖမ်းခံရချိန်မှာလည်း ရှေ့ဆုံးကနေ ရင်ဆိုင်ခဲ့သူဖြစ်ပါတယ်။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/3btQYpR