Bakarwal in kashmir | Bakarwali Dog kutta | بکروال قبیلے| Khana Badosh Bakarwal AJK | FSPK Nature

بکروال مویشی پالنے اور انکی ضروریات کی خاطر سفر اختیار کرنے والے پیشے سے منسلک لوگوں کو بکروال کہتے ہیں۔یہ پیشہ بہت قدیم ہے۔حضرت آدمؑ کے دو بیٹوں میں سے ہابیل اسی پیشے سے تعلق رکھتے تھے۔بکروالوں کی بڑی اکثریت شمالی علاقہ جات اور کشمیر کے دونوں اطراف میں پائی جاتی ہے۔افغانستان کے صوبہ نورستان میں بھی ایسے قبائل موجود ہیں۔ایسے لوگ قدرتی ماحول کے سہارے اپنی محنت کے بل بوتے پر ملکی معیشت،زراعت اور خوراک کی کمی کو پورا کرنے میں اہم کردار ادا کرتے ہیں۔ان کا مال متاع بھیڑ،بکریاں اور گھوڑے ہوتے ہیں۔رہنے کے لیے خیمے ہوتے ہیں۔آزاد کشمیر میں ان کی سب سے زیادہ تعداد چھمب سے اپر نیلم اور نیلم سے چھمب کی طرف جاتی ہے۔بکروال سردیاں گرم علاقوں اور گرمیاں سرد علاقوں میں گزارتے ہیں۔ان کے حرکت کرنے کی ترتیب یہ ہوتی ہے کہ بزرگ اور خواتین گھوڑوں پر سامان کے ساتھ ایڈوانس پارٹی لے کر پہلے سے طے شدہ ایک پڑاو کی جگہ کی طرف چل پڑتے ہیں۔بیمار بزرگ گھوڑے پر سوار ہوتے ہیں۔جبکہ خواتین کمر پر کپڑے سے بچوں کو باندھ کر لٹکائے ہوئے چلتی ہیں۔ان کے ساتھ ایک خاص نسل کا کتا بھی ہوتا ہے جس کے بارے میں مشہور ہے کہ وہ ریچھ کا مقابلہ کر لیتا ہے۔وہ کتا دن کو منہ نیچے کیے ہوئے قافلے کے ساتھ چلتا رہتا ہے۔جبکہ رات کو وہ بکریوں کی خفاظت کرتا ہے۔مناسب جگہ پر پہنچنے کے بعد خیمے لگائے جاتے ہیں اور شام کے لیے کھانا تیار کیا جاتا ہے جبکہ محمد یوسف یا اس طرح کے  نوجوان بکریوں کے ریوڑ کو جنگل یا چراگاہوں میں چراتے چراتے شام کو اسی جگہ آجاتے ہیں۔رستے میں بیمار یا زخمی بکریاں جوان کاندھے پر لٹکا لیتے ہیں۔یہ نوجوان منہ سےسیٹیاں بجانے کے ماہر ہوتے ہیں۔  دوپہر کا کھانا گلے بانوں کے پاس پوٹلی میں ہوتا ہے۔اور وقتِ ضرورت بکری کے دودھ کے ساتھ کھایا جاتا ہے #bakawalkakutta #kashmirculture #khanabadoshinpakustan