Yangihayotda yoshlar yetakchilari forumi bo‘lib o‘tdi

🇺🇿 Yangihayotda yoshlar yetakchilari forumi bo‘lib o‘tdi 👍 Bugun “Yoshlar kuni” munosabati bilan Yangihayot tumanidagi Magic Safari bog‘ida yoshlar yetakchilari forumi tashkil etildi. 👆 Forumda Yangihayot tumani hokimi, tuman prokurori, tuman soliq inspeksiyasi boshlig‘i, Yoshlar ishlari agentligi Toshkent shahar boshqarmasi boshlig‘i, mas’ul tashkilotlar vakillari hamda mahallalarda faoliyat yuritayotgan yoshlar yetakchilari ishtirok etdi. 📌 Samimiy va ochiq muloqot ruhida o‘tgan tadbir davomida yoshlar yetakchilari o‘z faoliyatida uchrayotgan muammolar hamda yoshlar uchun yangi imkoniyatlar yaratishga qaratilgan taklif va tashabbuslarini mas’ul rahbarlarga bildirdi. Shuningdek, yoshlar bilan ishlash samaradorligini oshirish, ularni qo‘llab-quvvatlash va mavjud muammolarga yechim topish masalalari yuzasidan fikr almashildi. 💬 Tadbir yakunida o‘zining samarali faoliyati, tashabbuskorligi va erishgan natijalari bilan namuna bo‘lib kelayotgan bir guruh yoshlar yetakchilari esdalik sovg‘alari bilan taqdirlandi.