Wayang Golek GH2 Dasamuka Gugur (Audio Panggung, 1997) - Ade Kosasih Sunarya

Tema : Upaya pelestarian kesenian wayang golek melalui media sosial. Pagelaran wayang golék Giriharja 2 pingpinan dalang Adé Kosasih Sunarya ieu mangrupakeun rékaman audio panggung waktu ngagejrak di Ciawi Bogor tanggal 4 Oktober 1997. Dina pagelaran ieu, ku dalang Adé Kosasih dipedar ngeunaan kontribusi anjeunna di lingkungan Giriharja. Sareng lakon ieu téh tos seueur nu ngaplod dina format kasét rékaman studio. Mung lakon dina pagelaran ieu mah bénten deui sanaos téma cariosna sami. Ngeunaan eusi lakon ieu rupina sadayana gé tos pada uninga. Mangrupakeun carios galur Ramayana. Sabada gugurna Indrajit, Rahwana atawa Dasamuka maju sorangan ka médan laga nangtang Prabu Rama. Sanajan tos ngaluarkeun sagala élmu kasaktian, Prabu Rama teu bisa waé maéhan Rahwana. Sabada muncul Resi Walmiki (nu ngarang wiracarita Ramayana) némbongan Prabu Rama, karék sadar yén aya hiji pusaka atawa senjata nu dititipkeun di Semar Badranaya, nyaéta Guha Wijaya. Nya antukna Rahwana perlaya ku senjata Guha Wijaya, nu saterusna Rahwana ku Hanoman digencét di Gunung Sondara-Sondari.