美食新聞報道 ｜灣仔1905年開業香港第一齋！齋鹵味創始人！4代人堅守傳承｜ 美食新聞報道

#tvbplus #美食新聞報道 灣仔1905年開業香港第一齋！齋鹵味創始人！4代人堅守傳承 喜歡食齋的朋友，相信一定聽過位於灣仔，有「香港第一齋」美譽，創於1905年，至今已經營119年的齋舖！能夠經營多年，食物的品質絕對是頂級，其中代表作，推出超過百年的「齋鹵味」仍然是食客們的心頭好！老闆彭老先生表示：「香港齋鹵味係得我哋賣先，由開舖到而家已經有，呢個已經過百年歷史。」 齋鹵味包括多款不同的食材，包括酸齋、咖哩齋、豉味齋、齋鮑魚、齋鴨腎、齋叉燒等。彭老先生十分堅持維持高品質，「落麵筋先汆水去油，醋較好咗，我哋係用米醋，係用釀完酒嘅米糟再做醋，所以叫『酒後醋』，係最天然嘅醋，口感會好好多，無咁酸。就算米醋都要分等級，但我要求供應商畀最好嘅我，貴少少唔係問題，所以我哋直到而家都係用香港地道出產嘅米醋。」 彭小姐指自己畢業後就到舖頭幫手，一做就十幾年，「做下做下，就一路做，我都希望堅持到，有生之年都會繼續做。一切變化都未知，我都係佛教徒，我之後都覺得無所謂，邊個傳承。希望有人接手落去，再邁進落去，希望第二個一百年。」 彭老先生表示認同：「或者畀有興趣嘅人做，我哋總能維持落去，我哋有個聲譽，總會有人願意做！」彭小姐續指：「等於外國一啲好出名嘅品牌，過百年歷史，人地外國都可以維持咁耐，佢哋都未必係一個家族維持，可能都會賣咗畀人，但起碼都會將佢發揚光大。」 東方小祇園 灣仔軒尼詩道241號地舖 #齋菜 #灣仔美食 #美食新聞報導 ------------------------------------------------------ 記得Follow 埋TVB Plus嘅social media❤️:   / tvbplus.official     / tvbplus