Wakazi wa Njiru, Chokaa na Mihango wasema watalipa familia ya Kirima

Mamia ya wakazi wa maeneo ya Njiru, Chokaa na Mihango wanaoishi ndani ya shamba la aliyekuwa mwanasiasa Gerishon Kirima wameanzisha mazungumzo ya kulipia vipande vyao vya ardhi ambavyo wanaishi. Runinga ya Citizen imedhibitisha kuwa familia 900 zinazoishi ndani ya shamba hilo zimeelezea nia yao ya kulipa shilingi laki tatu kwa ploti. Haya yanajiri huku viongozi wa makanisa wakitaka serikali kuu kuingilia kati na kufanya majadiliano kama ilivyofanyika katika shamba la Waitiki ambapo mmiliki alilipwa shilingi bilioni 1.2 .