В Эштии отметили ежегодный праздник села. Հեշտիան նշեց գյուղի տոնը

Այսօր Նինոծմինդայի մունիցիպալիտետի Հեշտիա գյուղում տոնական և հանդիսավոր մթնոլորտ էր։ Գյուղը նշեց իր հիմնադրման 198-ամյակը՝ հերթական անգամ համախմբելով հեշտիացիներին, հյուրերին և հայրենակիցներին մեկ հարկի տակ։ Ավանդույթի համաձայն, գյուղի տոնը նշվում է մեծ շուքով՝ համադրելով մշակույթը, համայնքային կյանքը և զարգացման նոր նախաձեռնությունները։ Տոնական միջոցառմանը ներկա էին Հայ Կաթողիկոս Եկեղեցու Հայաստանի, Վրաստանի, Ռուսաստանի և Արևելյան Եվրոպայի առաջնորդ, արքեպիսկոպոս Գևորգ Նորատունկյանը, նահանգապետի ներկայացուցիչներ Գիորգի Քոչիաշվիլին և Սերգի Մուշկուդիանին, Վրաստանի խորհրդարանի պատգամավորներ Սումբատ Կյուրեղյանը և Սամվել Մանուկյանը, Նինոծմինդայի Սակրեբուլոյի նախագահ Վահան Արոյանը, Նինոծմինդայի քաղաքապետ Անիվարդ Մոսոյանը, քաղաքապետարանի և Սակրեբուլոյի այլ ներկայացուցիչներ, ինչպես նաև գյուղի բարերար Գարիկ Զոբյանը և բազմաթիվ հյուրեր։Հեշտիայի տոնը հերթական անգամ ապացուցեց, որ գյուղը ոչ միայն հարուստ պատմություն ունի, այլև ամուր համայնքային ոգի, որը սերնդեսերունդ պահպանվում և զարգանում է։ Տոնդ շնորհավոր, Հեշտիա, թող քո բարի ավանդույթները, հաջողություններն ու ձեռքբերումները շարունակվեն երկար տարիներ։