Արթնացել է հայի ներսի վաշխառուն. Երևանը` շենքեր, շենքեր, շենքեր. Վիկտոր Մնացականյան

«Թարմ ուղեղով» զրուցակիցը քաղաքաշինարար, քաղաքային պլանավորող Վիկտոր Մնացականյանն է։ Երևանում շարունակվող բարձրահարկ շինարարությունը վաղուց այլևս միայն մասնագիտական համայնքի քննարկման թեման չէ. այսօր քաղաքի բնակիչների զգալի մասը նույնպես մտահոգված է մայրաքաղաքի արագ փոփոխվող դիմագծով՝ նշելով, որ վարդագույն Երևանը աստիճանաբար վերածվում է սպիտակ քաղաքի։ Որտե՞ղ է անցնում զարգացման և ինքնության պահպանման սահմանը, ո՞վ է պատասխանատու քաղաքի գեղագիտական քաղաքականության համար, արդյո՞ք Երևանին անհրաժեշտ է գեղագիտական խորհուրդ, ինչպիսի՞ն պետք է լինի Կոնդի ապագան՝ զբոսաշրջային կենտրոն, թե կենդանի բնակելի թաղամաս, և, ի վերջո, ունի՞ մայրաքաղաքը զարգացման միասնական տեսլական, թե շարունակում է ձևավորվել առանձին նախագծերի տրամաբանությամբ։ Այս և քաղաքաշինական այլ կարևոր հարցեր՝ «Թարմ ուղեղով»-ի եթերում։