The biggest cave in Myanmar or The cave where stone age humans lived.Padah-Lin or Pyadalin cave.

🗿ကမ္ဘာဦး​ကျောက်​ခေါတ်လူသားတို့​နေထိုင်ခဲ့ရာ မြန်မာနိုင်ငံမှာအကြီးဆုံးဂူကြီးဆီသို့... ပြဒါးလင်းဂူ ​ခေါ် ပဒတ်လင်းဂူ က ရှမ်းပြည်နယ်​တောင်ပိုင်း ရွာငံမြို့နယ် ပန်း​လောင်​တောရိုင်းတိရိစ္ဆာန်​ဘေးမဲ့​တောအတွင်း ​ညောင်ချက်ရွာအနီးမှာရှိပါတယ်။ ဒီဂူကို ​ညောင်ချက်ရွာက နွာ​ကျောင်းသားက​လေးငယ်၂ဦးက 1968 ခုနှစ်မှာ​တွေ့ခဲ့တယ်လို့ ​ပြောကြပါတယ်။ ဂူထဲကနံရံ​ဆေး​ရေးပန်းချီ​တွေကို ​တော့ ဘူမိ​ဗေဒပညာရှင် ဦးခင်​မောင်​ကျော်က စတင်​တွေ့ရှိခဲ့တယ်လို့ 1969 ခုနှစ်ထုတ် သု​သေသန စာတမ်းမှာ ဦး​အောင်​သော်က မှတ်တမ်းတင်ထားပါတယ်။ ပြဒါးလင်းဂူကို ​ရှေး​ဟောင်းသု​သေသန ဦးစီးဌာန ​ယဥ်​ကျေးမှုဝန်ကြီးဌာနက 1969  ခုနစ်မှာတကြိမ် 2009ခုနစ်မှာတကြိမ် တူး​ဖော်သု​သေသန ပြုလုပ်ခဲ့ပါတယ် 1994  ခုနစ်မှာ မြန်မာ့ယဥ်​ကျေးမှုအ​မွေအနှစ် ​ကျောက်​ခေါတ်ယဥ်​ကျေးမှု​ဒေသအဖြစ် သတ်မှတ်ခဲ့ပါတယ်။ UNESCOရဲ့ World Heritage ထိန်းသိမ်း​စောင့်​ရှောက်ရမယ့် ကမ္ဘာအ​မွေအနှစ်စာရင်းဝင်ဖို့ 1996 ခုနစ် oct တွင်tentative list ထဲမှာထည့်ခဲ့ပါတယ်။ ဂူအမှတ်၁ နဲ့ ၂ ဆိုပြီးရှိပါတယ်။ ဂူတခုနဲ့တခု ၅မိနစ်​လောက်လမ်း​လျှောက်ရင်​ရောက်ပါတယ်။ဂူ၂ဂူစလုံးက ​တောင်ဘက်ကိုမျက်နှာမူထားပါတယ်။ ဂူအမှတ် (2) က ပိုကြီးပါတယ်။ ဂူကြီး၅ခု (တချို့လည်း ၉ခု လို့​ပြောကြ)တဆက်တည်းဖြစ်​နေပြီးအခန်း၆ခန်းပါပါတယ် ဂူအမိုး​တွေပြိုကျထားပြီး ဂူ​ပေါက်က​နေ အလင်း​ရောင် ဖြာကျ​နေတာ​တွေက ဓါတ်ပုံရိုက်ရင်သိပ်လှပါတယ်။ ​လေဝင်​​လေထွက်အလင်စ​ရောင်​ကောင်းစွာရပါတယ်။ မြန်မာနိုင်ငံမှာအကြီး​ဆုံးဂူဆိုတဲ့အတိုင်း အကြီးကြီးနဲ့အကျယ်ကြီးပါပဲ ၅မိနစ်​လောက်ဆက်သွားရင်  နံရံ​​ဆေး​ရေးပန်းချီ​တွေရှိတဲ့ဂူအမှတ်၁ ကို​ရောက်ပါတယ်။ ဂူအတွင်းထဲကို ဝင်ကြည့်လို့မရပါဘူး ခြံစည်းရိုးကာထားပါတယ်။ဂူထဲက တဒါဇင်ခန့်ရှိတဲ့နံရံ​ဆေး​ရေးပန်းချီ​တွေမှာ အမဲလိုက်ရိုးရာကို​ဖော်ညွှန်းထားတဲ့ တိရိစ္ဆာန်ပုံ​တွေ လူရဲ့လက်ဝါးပုံ ​နေထွက်ပုံအစရှိတဲ့ပုံ​တွေကို Red Ochre​ခေါ်တဲ့​​မြေနီ​တွေနဲ့​ရေးခဲ့တာပါ။ ​ကျောက်လက်နက်များစွာနဲ့ Cupules လို့​ခေါ်တဲ့ ရှားပါးလူလုပ်​ကျောက်ခွက်ငယ်​တွေကိုပါ ​တွေ့ခဲရပါတယ်။ မီး​သွေးခဲ အိုးခြမ်းပဲ့ ခရုခွံ အရိုး နဲ့​မြေနီခဲ စသည့်တို့ကို ​တူး​ဖော်ရရှိခဲ့ပြီး New Zealand နိုင်ငံရှိ Nuclear Scientific Research Institute ကို ပို့ပြီးRadio Carbon  နည်းနဲ့စစ်​ဆေးတဲ့အခါ ပြဒါးလင်းဂူရဲ့သက်တမ်းဟာ နှစ်​ပေါင်း 13000 ရှိပြီဖြစ်​ကြောင်း ခိုင်မာတဲ့အ​ဖြေကိုရခဲ့ပါတယ်။​ရှေး​ခေါတ်က လူ​တွေဟာ ဂူထဲမှာအဆင်မပြတ်မီးဖို​နေခဲ့ကြလို့ ပြာထု ၄​ပေခန့်လည်း ကျန်ရစ်ပါတယ်။ ဒီ​တွေ့ရှိချက်​တွေဟာ မြန်မာနိုင်ငံမှာ ​ကျောက်​ခေါတ်​နှောင်းပိုင်းကတည်းက လူသား​တွေ​နေထိုင်ခဲ့ကြတယ်ဆိုတာ ပိုထင်ရှား​စေခဲ့ပါတယ်။ ပြဒါးလင်း ဂူဟာ ထုံး​ကျောက်ဂူအမျိုးအစားဖြစ်ပြီးပင်လယ်​ရေမျက်နှာပြင်အထက်အမြင့်​ပေ 1050 ​ပေမှာ တည်ရှိပြီး လူသွားလမ်းက​နေဆို ​ပေ၇၀ အမြင့်မှာတည်ရှိလို့ အကယ်၍ ရန်ပြုလိုသူ​​တွေ လာ​ရောက်တိုက်ခိုက်ခဲ့ရင် ကြိုတင်သိမြင်နိုင်တဲ့အ​နေအထားမှာရှိ​နေပါတယ်။ ပြဒါးလင်းဂူရဲ့ပုံစံဟာ ပဒတ်တ​ကောင်​ခေါင်း​ထောင်​နေသကဲ့သို့ရှိ​နေတာ​ကြောင့် ပဒတ်လိုဏ် ပဒတ်ဂူလို့​ခေါ်ရာမှ ပဒတ်လိုဏ်ဂူ ပဒတ်လင်းဂူ လို့​ခေါ်ကြတယ်လို့ ​ပြောကြသလို ဂူထဲက ​ကျောက်စက်ပန်း​ဆွဲ​တွေမှာ Phosphorus  ပါလို့ ပြဒါးလိုတလက်လက်​တောက်​နေတဲ့အတွက် ပြဒါးလင်းဂူလို့ ​ခေါ်ကြတယ်လို့လည်း ​ပြောကြပါတယ်။ 🚙သွားလို့ရတဲ့လမ်း ၂လမ်းရှိပါတယ်။ ရှမ်းပြည်နယ် ရွာငံဘက်က သွားလို့ရသလို မန္တ​လေး ကူမဲ ကင်းတားဆည်လမ်းအတိုင်းလည်း သွားလို့ရပါတယ်။ ကျမတို့က မန္တ​လေးမှ ကူမဲ မြို့ ၂၁မိုင်လမ်းခွဲအတိုင်း သွားခဲ့ပါတယ် ။ မသွားခင် ​လမ်းခရီးအ​ခြေအ​နေ စက်​လှေငှားဖို့နဲ့ အပြန်ထမင်းစားဖို့ကအစ စီစဥ်​​ပေးတဲ့ ဒေသခံလမ်းပြ ဦးချစ်ဦးနဲ့ကြိုတင်ချိတ်ဆက်ထားခဲ့ပါတယ်။ လမ်းပြက ကင်းတားဆည်မ​ရောက်မီ ကန်ဆယ်ရွာထိ လာကြို​ပေးပါတယ်။ မန္တ​လေးမှကင်းတားဆည် ကား​မောင်းချိန် ၃နာရီ ကင်းတားဆည် မှာစက်​လှေစီးချိန် ၃၀ မိနစ် စက်​လှေဆိပ်မှ ဂူဆီသို့ ၃မိုင်ခရီးလမ်း​လျှောက်ချိန် ၂နာရီနီးပါး ကြာပါတယ်။ ​တောင်တက်ရတာ အလွန်နည်းပါတယ် ​ပြေ​ပြေ​လေး လမ်း​လျှောက်ရရုံပါပဲ လမ်းမှာ သဲ​ချောင်း​လေး တခု ဖြတ်ရပါတယ်။ ဂူ​ရောက်ရင် သတင်း​ပေးရန် တိုင်းရင်းသား ဝန်ထမ်းတဦး​နေထိုင်ပါတယ်။ အဲ့ဒီအိမ်​လေးမှာ​ရေ​နွေး​သောက် အ​ပေါ့အပါးသွား ​ခေတ္တနား လို့ရပါတယ်။လိုအပ်တာ အကုန်ကူညီတယ်။အရမ်းသ​​ဘော​ကောင်းပါတယ်။ph လိုင်းမမိပါ။ ပြဒါးလင်းဂူခရီးက ဗဟုသုတလည်းရတဲ့အပြင် ကားနဲ့တမျိုး ​စက်​လှေနဲ့တဖုံ ​ခြေလျင်တတန်သွားရတာဖြစ်တဲ့အတွက် ရသစုံခံစားရ​စေပါတယ်။ လမ်းတ​လျှောက်ရှုခင်း​တွေက ​ငေး​နေရ​လောက်​အောင်ကို လှတာပါ။ကင်းတားဆည် မှာ​လှေစီးရတဲ့အချိန် အ​ပျော်ဆုံးပါ။ ​ဆည်ရေပြင်နဲ့ပတ်ပတ်လည်က​တောင်တန်း​တွေရဲ့အလှက လှလွန်းလို့ ​ရေးပြလို့မီမယ်မထင်ပါဘူး။ သွားရတာ အရမ်းတန်တယ်လို့ ခံစားရပါတယ်။ အပြန်လမ်းမှာ​တော့ဆည်ထဲ​ရေချိုးခဲ့ကြ​ပါ​သေးတယ်။ ​ရေမကူးတတ်ရင်​တော့ မဆင်းပါနဲ့ ပန်း​လောင်မြစ်​ဘေးက လမ်းပြအိမ်မှာ ည​နေစာ စားရတာလည်း သန့်သန့်ရှင်းရှင်းနဲ့အဝစား အိမ်ချက်လက်ရာ​လေး စားလို့မြိန်လိုက်တာ (တ​ယောက်၄၀၀၀ ပဲ ph ဆက်ပြီး ကြိုချက်ခိုင်းလို့ရ) စက်​​လှေခက ဘယ်နှ​ယောက်စီးစီး တစီးကို ၃၀၀၀၀ ပါ လမ်းပြခက ၁၀၀၀၀ ပြဒါးလင်းဂူသွားမယ်ဆို ဦးချစ်ဦး09757996998 09424433004 ကိုသာဆက်လိုက်ပါ ။ အားလုံးစီစဥ်​ပေးပါလိမ့်မယ်။ (ph လိုင်းကမိလိုက်မမိလိုက်မို့ စိတ်ရှည်ရှည်ဆက်မှရပါတယ်) Adventure Holidays Nway Nge