Uzina e bakrit Laç është kthyer në problem serioz për banorët e Kurbinit - (24 Korrik 2003)

Lajme Arkiva - TV Klan 2003 Uzina e bakrit në rrethin e Kurbinit prej kohësh ka shkaktuar një problem serioz në zonën përreth. Mbetjet toksike, të cilat vijnë si rezultat i veprimtarisë prodhuese këtu, derdhen në fushat përreth dhe sidomos dëmtojnë kryesisht fshatin Shullaz. Kështu sot rezulton që të gjitha kulturat bujqësore, duke filluar nga dru frutorët deri tek perimet e mbjella nga këta fshatarë janë jo produktive, si rrjedhojë e ndikimit negativ të lëndëve toksike në jetën e këtyre bimëve. Njëri nga përfaqësuesit e këtij fshati thotë: “Dëmtimet në fshatin Shullaz kanë filluar që kur është bërë uzina, por edhe me kohën e sistemit të mëparshëm dëmtimet janë llogaritur në vlerë leku dhe u janë paguar fshatarëve, duke llogaritur vetëm dëmtimet pemë e perime, lërë shëndetin e njerëzve”. Mësohet se banorët e këtij fshati kanë fituar dhe një proces gjyqësor kundër uzinës së bakrit dhe sipas vendimit të formës së prerë të gjykatës së Laçit, uzina i detyrohet banorëve të fshatit Shullaz, një shumë prej 48 milion lekësh për dëmet e shkaktuara nga lëndët toksike. Sipas drejtorit të uzinës së bakrit: “Për të gjitha këto probleme të debitorëve, meqenëse uzina e bakrit Laç kaloi në dy mbulim, jemi thirrur nga ministri, bashkë me drejtorinë e korporatës, që të gjitha këto lekë t’i kalojnë debitorëve të uzinës së bakrit Laç”./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/