Ku nama yo ku wa 17/10/2021: imyaka 28 incungu ya démocratia Président Melchior agandaguwe

Ku wa 21 gitugutu, ni umunsi wo kwibuka aho incungu ya démocratie, nyakwigendera Président Melchior yagandagurwa. Hari ku wa 21 gitugutu umwaka w’1993, haraheze imyaka 28. Uno munsi turaba iragi abarundi basigiwe n’iyo ncungu ku bijanye n’intwaro rusangi ariyo démocratie, hamwe n’agateka ka zina muntu. Inyuma y’igandagurwa ryiwe, hagiye hibonekeza amagume mu gihugu ; vyanatumye hateba haba n’ibiganiro vyashitse ku masezerano y’i Arusha mu mwaka w’2000 ; mu nyuma mbere hagiye haraba n’ayandi masezerano yo guhagarika intambara ; none uno umunsi uburundi bugejeje he mu gutsimbataza intwaro ya démocratie ? mbega iragi rya Président Melchior NDADAYE ryoteza imbere gute intwaro ya démocratie n’agateka ka zina muntu ? Hoba hari intwambamyi zikiri mu nzira ? Hakwiye iki kugira uburundi bubandanye guteza imbere intwaro ya démocratie harimwo n’agateka ka zina muntu ? abatumire ni bane: 1/ Pierre Claver NAHIMANA, umukuru w’umugambwe SAHWANYA FRODEBU, umugambwe washinzwe na Président Melchior NDADAYE, 2/ Agathon RWASA umushingamateka, akaba umukuru w’umugambwa CNL, 3/ Jean De Dieu MUTABAZI, umukuru w’umugambwe RADEBU,arongoye kandi urwego rw’igihugu rujejwe gukinga ivyaha vy’ihonyabwoko, ivyaha vyo mu ntambara n’ivyaha vy’agahomera bunwa ; 4/ Faustin NDIKUMANA, umuyobozi wa PARCEM, ishirahamwe rihamagarira abarundi guhindura ingendo,