ጠቅላይ ሚኒስትሩ በጥብቅ አሳሰቡ | ኢትዮ መልሕቅ | National Dialogue | Ethio Melhik |

የኢትዮጵያ የፖለቲካ ታሪክ ለዘመናት ሲጻፍ የኖረው በጠመንጃ አፈሙዝና በጦር ሜዳ ውሎዎች ነው። የሀሳብ ልዩነትን በጠረጴዛ ዙሪያ በሰለጠነ ውይይት ከመፍታት ይልቅ፣ በጉልበትና በጦር መሳሪያ የበላይነት የማስገበር የፖለቲካ ኑባሬ፣ ትውልዶችን የደም ግብር ሲያስከፍልና ሀገረ-መንግስቱን ሲያናውጥ ቆይቷል። ዛሬ ግን ይህን የሻገተ የታሪክ ምዕራፍ የሚቀለብስና የጥይትን ጩኸት በምክንያታዊ የሃሳብ ፍልሚያ የሚተካ ደማቅ የተስፋ ጮራ ፈንጥቋል። የኢትዮጵያ ሀገራዊ ምክክር ሂደት፣ ሀገሪቱ ልዩነቶቿን በሰለጠነ የፖለቲካ መድረክ የምታስተናግድበትን አዲስ የባህል ሽግግር እውን እያደረገ ይገኛል። ይህ ሽግግር የጦርነትን አዙሪት ሰብሮ፣ ሀገሪቱን ከዘመናት የቁርሾ ማጥ ውስጥ የሚያወጣበት ታሪካዊና ወርቃማ አጋጣሚ ነው።ይህን ወርቃማ እድል ከግቡ ለማድረስ እየተሰራ ያለውን ስራ ኢትዮ መልሕቅ ተመልክቶታል።