യേശുദാസ് പറഞ്ഞ ആ മാന്ത്രിക വരികൾക്ക് പിന്നിലെ മനുഷ്യൻ | കോട്ടക്കൽ കുഞ്ഞി മൊയ്‌ദീൻ കുട്ടി

#kottakkalkunjimoideenkutty #varshangalpoyathariyathe #ilakozhiyumsisirathil #aaganamormmakalaayi #mohansitara #kjyesudas #velliparavakal പഠിക്കുന്ന കാലം മുതൽ തന്നെ കവിതയും നാടകങ്ങളും എഴുതുകയും ചെയ്‌തിരുന്നു. കോട്ടയ്ക്കൽ രാജാസ് സ്കൂളിൽ പഠിക്കുന്ന സമയത്ത് നാടകങ്ങൾ സംവിധാനം ചെയ്തു തുടങ്ങി. നിരവധി സമ്മാനങ്ങൾ ആ സമയത്ത് വാരിക്കൂട്ടിയ അദ്ദേഹം, കോളേജിലും തന്റെ കലാപ്രവർത്തനങ്ങൾ തുടർന്നു പോന്നു. കുഞ്ഞുണ്ണി മാഷ്‌, ദേശമംഗലം രാമകൃഷ്ണൻ എന്നിവരുമായ നിരന്തര ബന്ധം പുലർത്തിയിരുന്ന അദ്ദേഹം, അന്നത്തെ പ്രൊഫഷണൽ നാടകരംഗവുമായും ബന്ധപ്പെട്ടിരുന്നു. കുതിരവട്ടം പപ്പു, കുഞ്ഞാണ്ടി, നിലമ്പൂർ ബാലൻ, ശാന്താദേവി എന്നിവർക്കായി നാടകങ്ങൾ എഴുതിയിട്ടുണ്ട് കുഞ്ഞിമൊയ്തീൻ കുട്ടി. ആ സമയത്ത് രാഷ്ട്രീയ പ്രവർത്തങ്ങളിൽ മുഴുകിയ അദ്ദേഹം പിന്നീട്, 1982-87 കാലഘട്ടത്തിൽ മന്ത്രിയുടെ സെക്രട്ടറിയായി തലസ്ഥാന നഗിരിയിൽ എത്തി. ഗായകൻ മാർക്കോസുമായുള്ള സൗഹൃദം, അദ്ദേഹത്തെ സിനിമാ രംഗവുമായി ബന്ധപ്പെടുവാൻ സഹായിച്ചു. പാളയത്തെ താജ് ഹോട്ടലിന്റെ മുകളിലത്തെ നിലയിൽ സ്ഥിരമായി ഒത്തു കൂടിയിരുന്ന, മോഹൻ സിത്താര, ദർശൻ രാമൻ, ദൂരദർശൻ ജീവനക്കാരനായിരുന്ന അൻവർ എന്നിവരുടെ കൂട്ടു കെട്ടിലേക്ക് കുഞ്ഞിമൊയ്തീൻ കുട്ടിയും എത്തിപ്പെട്ടു. ആ അവസരത്തിലാണ് ഇവർക്കൊപ്പം ദൂരദർശനിൽ ഒരു റംസാൻ മ്യൂസിക്കൽ പ്രോഗ്രാം ചെയ്തുത്. തിരക്കഥയും ഗാനങ്ങളും കുഞ്ഞിമൊയ്തീൻ കുട്ടിയും സംഗീതം മോഹൻ സിത്താരയും, നിർമ്മാണം അൻവറും.....