現場直擊丨七師傅唱笑會尾場丨張敬軒以金豬訂情 七師傅底褲打孖送 迫軒公即場着自爆親自開光︰我試咗，好夾！(#張敬軒 #七師傅 #七仙羽 #娛壹）

#七師傅 唱笑會尾場，觀眾一直期待的「夫妻合體」終於出現，下世「老公」 #張敬軒 一出場，成全晚最醒神時間， #軒公 先多謝這位下世「老婆」，令他聽了大半場搞笑gag！ 一場嚟到，點會兩手空空！做嘉賓的軒公說︰「今日呢份禮物係植入式廣告，係喺英皇珠寶帶嚟。」說罷拿出足金金豬一抽，他一邊為七師傅戴上，一邊說︰「英皇買嘢我有折，下世你入張家門，所以今次送金豬畀你，祝珠圓玉潤。」難道軒公嫌「老婆」還未夠圓潤！ 此時台下觀眾起哄叫︰「咀佢、咀佢！」渴望已久的七師傅，借觀眾助力乘機問「老公」︰「有人叫咀，點算！」既然情緣下世先找，軒公梗係拖得就拖，來個擁抱了事！點知七擒七縱七師傅即偷吻「老公」……面珠啫！遭偷襲的軒公亦相回禮，吻下來，豁出去！ 收完下世「老公」訂情金豬，七師傅都有備而見，她先拿出紅噹噹孖煙囪，再送多條橙色三角底褲，打孖嚟梗有一款啱軒公口味，七師傅送上時還說︰「我試着過，好夾！」底褲經「老婆」開光，軒公不禁失笑︰「點解咁鍾意試男人底褲。」送底褲後，七師傅亦打蛇隨棍上，與觀眾一齊向軒公「施壓」，要他即場穿上，軒公說︰「你唔好大我呀！今晚IG見。」莫非軒公打算回家即圓她心願，在社交平台展示「老婆」的貼心禮物有幾貼身？ 你的支持❤讓我們得以繼續前行🙌 請訂閱《娛壹》Patreon： https://bit.ly/3hZtP25