"ክርስቶስ - ለህብረት" የፊልጵስዮስ መልእክት ጥናት፣ በፓስተር በድሉ ይርጋ (ዶ/ር) ክፍል 2 April 13, 2025

የትምህርቱ ዋና መልእክት በወንጌል የተገኘውን ህብረት አገልጋዮች እና ምዕመናን እርስ በርስ እንደ ጌታ ባሪያ እና እንደተለየ ወገን (ቅዱስ ህዝብ) የሚተያዩበት መሆኑን ማስረዳት ነው:: ከዚያም በላይ ደግሞ የፊልጵስዮስ መጽሐፍ ዋና ሃሳብ በፊልጵስዮስ 2፡5 ላይ ያለው ሃሳብ ማለትም “በክርስቶስ ኢየሱስ የነበረ ይህ አሳብ በእናንተ ዘንድ ደግሞ ይሁን” የሚለው እንደመሆኑ መጠን የዚህ እለት መልእክትም ያጠነጠነው በራሱ በክርስቶስ በተመሰረተው አንድነት ዙሪያ ነው። ምክንያቱም ጳውሎስ እራሱን እና ጢሞቴዎስን በቁጥር አንድ ላይ ሲያስተዋውቅ “የክርስቶስ ባሪያዎች” እናዳለ ሁሉ የመልእክቱ ተቀባዮችም የሆኑት የፊልጵስዮስ ቅዱሳንም የተቀደሱት በራሱ በክርስቶስ ነው። ስለዚህ የአንድነቱ መሰረት ክርስቶስ ነው። ጳውሎስ ዘወትር በሚጽፋቸው መልእክቶቹ “ሰላም እና ጸጋ ለእናንተ ይሁን” ማለቱን በዚህም ክፍል ቀጥሎ ለፊልጵስዮስ ቅዱሳንም ምኞቱን ገልጿል።