Kalakeya Vadham ( കപ്ലിങ്ങാടൻ ശൈലി ) Part 2 - Kalamandalam Rajashekharan

ചേർപ്പ് 31.ജൂലൈ.2023 കാലകേയവധം ( കപ്ലിങ്ങാടൻ ശൈലി ) അർജ്ജുനൻ - കലാ: രാജശേഖരൻ മാതലി - കലാ: ഹരിപ്പാട് ബാലകൃഷ്ണൻ പിള്ള ഇന്ദൻ - കലാ: വൈശാഖ്‌ VIDEOGRAPHY - GOVINDAN ROHIT SWARNATHU കാലകേയവധം ( കപ്ലിങ്ങാടൻ ശൈലി ) Part 1    • Kalakeya Vadham ( കപ്ലിങ്ങാടൻ ശൈലി ) Part 1   കാലകേയവധം ( കപ്ലിങ്ങാടൻ ശൈലി ) Part 3    • Kalakeya Vadham ( കപ്ലിങ്ങാടൻ ശൈലി ) Part ...   കപ്ലിങ്ങാടൻ സമ്പ്രദായത്തിലുള്ള കാലകേയവധത്തിലെ ചില പ്രത്യേകതകൾ ..... 1. സലജ്ജോഹ രംഗത്തിൽ മേൽക്കട്ടി ആലവട്ടം എന്നിവ പിടിക്കുന്ന രീതി തെക്കൻ ശൈലിയിലില്ല്യ. 2. അർജ്ജുനന്റെ " സലജ്ജോഹം " എന്ന് തുടങ്ങുന്ന പദത്തിൽ ആദ്യ ചരണത്തിന് ശേഷം " ചൊൽകെടോ നീ " എന്ന പല്ലവിയും തുടർന്ന് " ചാരുശോഭ തടവീടുന്ന " എന്ന രണ്ടാമത്തെ ചരണവും എന്ന ക്രമത്തിലാണ് ആടുന്നത്. 3. മാതലിയുടെ മറുപടി പദത്തിന് ശേഷം അർജ്ജുനൻ ബഹുമാനത്തോടെ കൂടി മാതലിയെ കൂട്ടിപിടിച്ച് തന്റെ കൂടെ ഇരുത്തിയിട്ടാണ് " താത കിം കുശലി " എന്ന് തുടങ്ങുന്ന ഇളകിയാട്ട ശ്ലോകം ആടുന്നത്. ഇത് തൃപുട താളത്തിലാണ് ആടുന്നത്. 4. ഇളകിയാട്ടത്തിന്റെ ആദ്യ ഭാഗം തൃപുട ഒന്നാം കാലത്തിലും, പിന്നീട് " അച്ഛനമ്മമാർക്ക് പുത്രനായ ജയന്തൻ സന്തോഷം പ്രദാനം ചെയ്യുന്നില്ലേ " എന്ന ഭാഗം മുതൽ തൃപുട രണ്ടാം കാലത്തിലുമാണ് ആടുന്നത്. 5. അർജ്ജുനൻ " എനിക്ക് അവരെയെല്ലാം കാണാൻ മനസ്സിൽ ആഗ്രഹം വളരുന്നു. നീ രഥം പെട്ടെന്ന് സ്വർഗ്ഗത്തിലേക്ക് തെളിച്ചാലും " എന്ന് പറയുന്നത് മുതൽ താളം ചെമ്പടയാവുന്നു. 6. അർജ്ജുനൻ കൈലാസത്തെ വണങ്ങിയതിന് ശേഷം, ഇരുവരും എടുത്തുകലാശിച്ച് തേരു വന്ദിച്ച് കയറുന്നു. മാതലി മുന്നിലും അമ്പും വില്ലും ധരിച്ച് അർജ്ജുനൻ അൽപ്പം പിന്നിലും നിന്ന്, മാതലി തേര് തെളിക്കുന്നതായി കാണിച്ചു മാറുന്നു........