E356 | ప్రకృతిని నమ్మాడు... భవిష్యత్తుకు బాటలు వేసాడు | నాగమణి | తిరుపతి జిల్లా

తిరుపతి జిల్లా, రామచంద్రాపురం మండలం, గొల్లపల్లి గ్రామానికి చెందిన నాగమణి గారు 2017 నుంచి ప్రకృతి వ్యవసాయం చేస్తున్నారు. రసాయన వ్యవసాయంలో అప్పులు, అధిక పెట్టుబడులు ఎదుర్కొన్న ఆమె ప్రకృతి వ్యవసాయం ద్వారా ఆర్థికంగా నిలదొక్కుకున్నారు. ప్రధాన పంటలతో పాటు పీఎండీఎస్, ఏటీఎం మోడల్‌లో 15–20 రకాల ఆకుకూరలు, కూరగాయలు, తీగజాతి పంటలు సాగు చేస్తున్నారు. నాటు ఆవు పేడతో ఘనజీవామృతం, జీవామృతం తయారు చేసి, వేపగింజల కషాయం, బ్రహ్మాస్త్రం, అగ్నాస్త్రం వంటి ద్రావణాలతో పంటలను సంరక్షిస్తున్నారు. మామిడి తోటలో అంతర పంటలుగా గోంగూర, అలసంద, గోరుచిక్కుడు సాగు చేసి నిరంతర ఆదాయం పొందుతున్నారు. ప్రకృతి వ్యవసాయం వల్ల కుటుంబ ఆరోగ్యం, భూమి ఆరోగ్యం మెరుగుపడటంతో పాటు పిల్లల చదువులు, ఇంటి నిర్మాణం వంటి అవసరాలను కూడా సొంత ఆదాయంతో నెరవేర్చగలుగుతున్నారు.