Xayollarga bo'laman tutqun. O'tkir Hoshimov hikoyasi. Sanjar Sa'dullayev o'qigan

Хаёлларга бўламан тутқун. Ўткир Ҳошимов ҳикояси. Санжар Саъдуллаев ўқиган / Xayollarga bo‘laman tutqun. O‘tkir Hoshimov hikoyasi. Sanjar Sa'dullayev o‘qigan. Oʻtkir Hoshimov 1941-yilning 5-avgustida Toshkent viloyatining Zangiota tumani Doʻmbirobod mavzesida tavallud topgan. U oʻz ijodini sheʼr va ocherklar yozishdan boshladi. 1962-yilda uning „Po‘lat chavandozlar“ ocherklar toʻplami bosilib chiqdi. Shundan keyin uning birin-ketin hikoya, qissa va romanlari kitobxonlarning qoʻliga borib tegdi. Uning ilk qissasi „Cho‘l havosi“ (1964-yil) adabiy jamoatchilik tomonidan iliq qarshi olindi. Atoqli adib Abdulla Qahhor bu qissa haqida oʻsha paytda juda yaxshi fikr bildirgan. Ammo yozuvchiga muvaffaqiyat keltirgan asar 1970-yilda nashr qilingan „Bahor qaytmaydi“ qissasi boʻldi. Ushbu asar asosida 1972-yilda „Bahor qaytmaydi“ filmi ekran yuzini koʻrdi[4]. Bundan tashqari Oʻtkir Hoshimovning bir qancha asarlari ekranlashtirilgan. „Xazon boʻlgan bahor“, „Inson sadoqati“ (1975-yil), „Vijdon dorisi“, „Toʻylar muborak“ (1979-yil), „Qatagʻon“ kabi drama, komediya, bir qator kinossenariylar muallifi. 2001-yilda adibning yana bir mashhur ishi „Daftar hoshiyasidagi bitiklar“ asari chop etildi. Yozuvchi ushbu kitobni 40 yil davomida yozgan. Oʻtkir Hoshimov „Urushning soʻnggi qurboni“, „Yanga“, „Muhabbat“, „Dehqonning bir kuni“, „Umr savdosi“, „Quyosh tarozusi“, „Oq bulut, oppoq bulut“ singari oʻnlab hikoyalari, „Qalbingga quloq sol“ (1973-yil), „Ikki karra ikki-besh“ (1987-yil) qissalari, „Nur borki, soya bor“ (1976-yil), „Ikki eshik orasi“ (1985-yil), „Tushda kechgan umrlar“ (1993-yil) kabi romanlar yozgan." Ikki eshik orasi" nomli asari tufayli Oʻ.Hoshimov 1986-yilda Hamza nomidagi Oʻzbekiston Davlat mukofotiga sazovor boʻldi. 1997-yilda "Mehnat shuhrati" ordeni bilan mukofotlangan. „Toʻylar muborak“, „Sizdan ugina, bizdan bugina“, „Vijdon dorisi“, „Inson sadoqati“, „Qatagʻon“ singari pyesalar muallifi. Ernest Heminguey, Konstantin Simonov, Kuprin va boshqa adiblarning asarlarini oʻzbek tiliga tarjima qilgan. Ўткир Ҳошимов 1941-йилнинг 5-августида Тошкент вилоятининг Зангиота тумани Дўмбиробод мавзесида таваллуд топган. У ўз ижодини шеър ва очерклар ёзишдан бошлади. 1962-йилда унинг „Пўлат чавандозлар“ очерклар тўплами босилиб чиқди. Шундан кейин унинг бирин-кетин ҳикоя, қисса ва романлари китобхонларнинг қўлига бориб тегди. Унинг илк қиссаси „Чўл ҳавоси“ (1964-йил) адабий жамоатчилик томонидан илиқ қарши олинди. Атоқли адиб Абдулла Қаҳҳор бу қисса ҳақида ўша пайтда жуда яхши фикр билдирган. Аммо ёзувчига муваффақият келтирган асар 1970-йилда нашр қилинган „Баҳор қайтмайди“ қиссаси бўлди. Ушбу асар асосида 1972-йилда „Баҳор қайтмайди“ фильми экран юзини кўрди[4]. Бундан ташқари Ўткир Ҳошимовнинг бир қанча асарлари экранлаштирилган. „Хазон бўлган баҳор“, „Инсон садоқати“ (1975-йил), „Виждон дориси“, „Тўйлар муборак“ (1979-йил), „Қатағон“ каби драма, комедия, бир қатор киносценарийлар муаллифи. 2001-йилда адибнинг яна бир машҳур иши „Дафтар ҳошиясидаги битиклар“ асари чоп этилди. Ёзувчи ушбу китобни 40 йил давомида ёзган. Ўткир Ҳошимов „Урушнинг сўнгги қурбони“, „Янга“, „Муҳаббат“, „Деҳқоннинг бир куни“, „Умр савдоси“, „Қуёш тарозуси“, „Оқ булут, оппоқ булут“ сингари ўнлаб ҳикоялари, „Қалбингга қулоқ сол“ (1973-йил), „Икки карра икки-беш“ (1987-йил) қиссалари, „Нур борки, соя бор“ (1976-йил), „Икки эшик ораси“ (1985-йил), „Тушда кечган умрлар“ (1993-йил) каби романлар ёзган." Икки эшик ораси" номли асари туфайли Ў.Ҳошимов 1986-йилда Ҳамза номидаги Ўзбекистон Давлат мукофотига сазовор бўлди. 1997-йилда "Меҳнат шуҳрати" ордени билан мукофотланган. „Тўйлар муборак“, „Сиздан угина, биздан бугина“, „Виждон дориси“, „Инсон садоқати“, „Қатағон“ сингари пьесалар муаллифи. Эрнест Ҳемингуэй, Константин Симонов, Куприн ва бошқа адибларнинг асарларини ўзбек тилига таржима қилган.