Turtips: I Monsen sine fotspor frå Bøverton til Sognefjellshytta

Sommaren 2018 gjekk omlag 200 turglade folk i Lars Monsen sine fotspor i Jotunheimen, under NRK sine «Monsen minutt-for-minutt» -sendinger. I haust kan du gjere det same, på eigenhand. Dette er ein tur på omlag 12 kilometer, som går i frodig og variert terreng gjennom Dumdalen. Turen startar på merka sti, som tek av frå Sognefjellsvegen, omlag 500 meter frå Bøverton. Følg denne oppover Dumdalen, der du kan utforska 10.000 år gamle kalksteinsgrotter, som det og er mogleg å krype inn i. Dessutan ligg fiskevatna som perler på ei snor langs ruta, så ta gjerne med fiskestong på turen. Fiskekort får du kjøpt på inatur.no. Meir informasjon om fisking finn du her: https://www.visitjotunheimen.no/aktiv... Vel framme ved Sognefjellshytta er det verdt å ta seg ein rusletur langs det nye "Utkikkspunkt Sognefjellet". Meir info her:    • Utkikkspunkt Sognefjellet - spektakulær ga...   God haustleg Monsen-vandring!