Edicioni i Lajmeve Tv Klan 28 Korrik 2026, ora 19:30 | Lajme - News

Lajme, #edicioniinformativ ora 19:30, 28 Korrik 2026 #TvKlan #klanlajme Spiker: Reis Çiço Headlines DASH: Shqipëria, objektiv i sulmeve kibernetike nga Irani dhe Rusia. Rrezik për dëmtimin e popullsisë Departamenti Amerikan i Shtetit jep alarmin se Shqipëria vijon të mbetet objektiv i sulmeve kibernetike nga Irani dhe Rusia. Sipas DASH, aktivitetet keqdashëse të këtyre dy vendeve përbëjnë rrezik të lartë për dëmtimin e popullsisë. Berisha: Policia dhunoi protestuesit me urdhër të Ramës. Të mbështesim protestën Kryetari i Partisë Demokratike, Sali Berisha, akuzoi policinë se ka dhunuar protestuesit me urdhër të kryeministrit Edi Rama. Ai u bëri thirrje demokratëve që ta mbështesin fuqishëm protestën deri në rrëzimin e atij që e quan regjim në pushtet. Mori me forcë marrëveshjen me SHBA-në, Etika përjashton me 60 ditë Shehajn Deputeti Agron Shehaj është përjashtuar me 60 ditë nga punimet e Kuvendit. Socialistët do ta dërgojnë çështjen edhe në SPAK, pasi besojnë se Shehaj, duke marrë me forcë marrëveshjen e huasë me SHBA-në, ka kryer disa vepra penale. Hetimet ndaj Veliajt, SPAK kontrolle në Bashki. Kryebashkiaku, padi në Strasburg për masën SPAK ushtroi kontrolle në Bashkinë e Tiranës. Hetuesit e BKH-së sekuestruan disa dokumente në funksion të hetimeve ndaj kryebashkiakut Erion Veliaj, që lidhen me udhëtimet dhe dietat. Ndërkohë, avokatët e kryebashkiakut paralajmërojnë ankim në Gjykatën e Strasburgut kundër lënies në fuqi të masës së sigurisë. Qeveria krijon operator publik për bashkitë. Do të menaxhojë mbetjet dhe projektet infrastrukturore Qeveria krijon një operator publik që do të ofrojë shërbime për pushtetin vendor. Ministri i Financave, Petrit Malaj, thotë se kjo strukturë do të ofrojë shërbime, duke përfshirë menaxhimin e mbetjeve, blerjen e makinerive dhe realizimin e projekteve infrastrukturore. Omani, propozim për menaxhimin e Hormuzit. Synohet të shmanget kontrolli i njëanshëm Omani i paraqiti Iranit një propozim, të dakordësuar edhe me aktorët e tjerë në rajon, për menaxhimin e përbashkët të ngushticës së Hormuzit. Synimi është shmangia e kontrollit të njëanshëm të kanalit nga Teherani. Italia zgjedh trajner Roberto Mançinin. Franca prezanton Zinedine Zidane Federata Italiane ka zgjedhur Roberto Mançinin si trajnerin e ardhshëm të kombëtares. Lajmin e bëri të ditur presidenti Malagò, vetëm 24 orë pas dështimit të projektit Maldini. Ndërsa Franca prezantoi Zinedine Zidane si pasues të Didier Deschamps. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/