Kizito Mihigo - Tereza w'umwana Yezu

Tereza w'umwana Yezu (Sainte Thérèse de l'enfant Jésus banamwita Thérèse de Lisieux cyangwa Petite Thérèse) ni umutagatifu ukomeye  cyane muri Kiriziya. Ku isi Yari umubikira w'umukarumerita (Bamwe batajya basohoka mu bigo babamo.) Yaranzwe n'ibikorwa by'urukundo, gukunda Yezu ku buryo butangaje, kugira impuhwe, kwicisha bugufi, kwifatanya n'abababaye, no kubabarira. Yasigiye abakristu umurage wo gukunda no kubigaragaza mu dukorwa twa buri munsi dukorera bagenzi bacu, n'ubwo twaba ari duto. Kuri Tereza gukorera ijuru si ugukora ibikorwa bihambaye, ahubwo ni mu dukorwa duto duto tw'urukundo. Yagizwe umutagatifu mu mwaka wa 1920. Mu mwaka wa 1997, Papa Yohani Pawulo wa 2 yamushyize mu cyiciro cy'abarimu ba Kiriziya (Docteurs de l'Eglise) kimwe n'abandi batagatifu bakomeye nka Mutagatifu Agusitini. Ababyeyi ba Tereza bacuruzaga amasaha. Tereza yapfushije nyina umubyara ku myaka ine y'amavuko. Yavukiye ahitwa i Lisieux mu Bufaransa, tariki ya 2 Mutarama 1873, yitaba Imana tariki ya 30 Nzeri 1897. http://www.kizitomihigo.com