પાણીબાર ગામે ઉજવાયો આસ્થા સાથે આદિવાસી સાંસ્કૃતિક અને સામુહિકતા અને એકતા નો ઉત્સવ બાબા ઈંદ #news

છોટાઉદેપુર જિલ્લાના પાણીબાર ગામે ઉજવાયો આસ્થા સાથે આદિવાસી સાંસ્કૃતિક અને સામુહિકતા અને એકતા નો ઉત્સવ બાબા ઈંદ કાર્યક્રમ છોટાઉદેપુર આદિવાસી બાહુલ્ય ધરાવતા છોટાઉદેપુર જિલ્લાના પાણીબાર ગામે પરંપરાગત "બાબા ઈંદ" ની ભવ્ય ઉજવણી કરવામાં આવી છે. આ ઉત્સવ આદિવાસી સંસ્કૃતિ, પ્રકૃતિ પૂજા અને પરંપરાઓનું એક અનોખું પ્રતીક છે. પ્રકૃતિ અને દેવોની પૂજા આ ઉત્સવમાં આદિવાસી સમાજ દ્વારા પ્રકૃતિના તત્વો ધરતી માતા,આકાશ,વાયુ, અગ્નિ,પાણી સહિત ગામ ના આદિ દેવસ્થાનો ની પૂજા કરી ગામ માં સૌ સાજા માજા રહે, ઢોર ઢાખર તેમજ તમામ જીવો ના કલ્યાણ અર્થે તેમજ ખેતી પાક સારો ઉતરે જેને વાડી લીલી રહે તેવું પણ કહેવામાં આવે છે અને ગામ માં સુખ સમૃદ્ધિ નુ સામ્રાજ્ય બનેલું રહે એવી આસ્થા અને કામના ઓ સાથે આસ્થા ભેર બાબા ઈંદ ની ઉજવણી કરવામાં આવી હતી. સાંસ્કૃતિક નૃત્યો ઉત્સવ દરમિયાન આદિવાસી પુરુષો અને મહિલાઓ તેમના પરંપરાગત પોશાકમાં સજ્જ થઈને ઢોલ-નગારા અને વાંહળી ના તાલે પર પરંપરાગત નૃત્યો કરે છે. સામાજિક એકતા આ સાંસ્કૃતિક પ્રસંગે આસપાસના અનેક ગામોમાંથી મોટી સંખ્યામાં આદિવાસી સમાજના લોકો એકઠા થાય છે, જેથી પરસ્પર ભાઈચારો અને સામાજિક એકતા મજબૂત બને છે. સાંસ્કૃતિક વારસો નવી પેઢી માં આપોઆપ તબદીલ નવી પેઢી આદિવાસી સંસ્કૃતિ, પરંપરાગત બોલી અને રિવાજોથી માહિતગાર થાય તે માટે આવા આયોજનો અનિવાર્ય છે. પરંપરાગત વેશભૂષા અને ભેટ નોતરાને માન આપીને જુદા જુદા ગામના લોકો પોતાના પરંપરાગત આદિવાસી વેશ પરિધાનમાં સજી-ધજીને નૃત્ય કરતાં અને દેવ માટે વિશેષ ભેટ લઈને ઉત્સવમાં ભાગ લેવા આવે છે. અહીં છોટાઉદેપુર જિલ્લાના આદિવાસી સમાજના અગ્રણી વાલસિંહભાઈ રાઠવા જણાવે છે કે નવી પેઢીને મૂળ સાથે જોડતા મહત્વના પાસાં માતૃભાષા અને સ્થાનિક બોલીનું જતન: ઉત્સવ દરમિયાન ગવાતા પરંપરાગત ગીતો અને વિધિઓ આદિવાસી બોલીમાં થાય છે, જેથી યુવા પેઢી પોતાની મૂળ ભાષાના શબ્દો અને શૈલીથી પરિચિત થાય છે.ડીજેના યુગમાં પરંપરાગત વાદ્યોનો પરિચય: આજનો યુવા વર્ગ જ્યારે પશ્ચિમી સંગીત તરફ વળી રહ્યો છે, ત્યારે ઇંદ ઉત્સવમાં આદિવાસી ઓ દ્વારા સ્વયં નિર્મિત વાજિંત્રો,ઢોલ શરણાઈ,દદૂડી વાંહળી,મોટલા ઢોલના ધબકારા તેમને પોતાના પરંપરાગત સંગીતની શક્તિનો પરિચય કરાવે છે. સહકાર સામૂહિકતાના સંસ્કાર આ ઉત્સવમાં આખું ગામ અને સગાં-સંબંધીઓ સાથે મળીને કામ કરે છે સામુહિક ભોજન વ્યવસ્થા વગેરે ,આનાથી નવી પેઢીમાં 'સમૂહ ભાવના' અને એકતાના ગુણો કેળવાય છે.પ્રકૃતિ સાથે પુનઃજોડાણ: આજના શહેરીકરણ અને ટેક્નોલોજીના સમયમાં, આ ઉત્સવ યુવાનોને જળ, જંગલ અને જમીનની પૂજા કરતાં શીખવીને પર્યાવરણના રક્ષણની જવાબદારી સમજાવે છે.વારસાનું હસ્તાંતરણ: વડીલો જ્યારે ઉત્સવની આદિ અને સાંસ્કૃતિક વિધિઓ અને આદિવાસી પરંપરાઓ કરે છે, ત્યારે યુવાનો તેને જોઈને શીખે છે. આમ, વારસો એક પેઢીથી બીજી પેઢીમાં આપોઆપ ટ્રાન્સફર થાય છે.આમ ૧૦૦ ટકા આદિવાસી વસ્તી ધરાવતા છોટાઉદેપુરના પાણીબાર જેવા ગ્રામ્ય વિસ્તારોમાં યોજાતો બાબા ઈંદનો ઉત્સવ આદિવાસી યુવાનોને ગર્વથી કહેવાની પ્રેરણા આપે છે કે, "અમે પ્રકૃતિના સંતાન છીએ અને આ અમારી ભવ્ય સંસ્કૃતિ છે. છોટાઉદેપુર જિલ્લાનાઆદિવાસીઓ આ સદીઓ જૂની આ પરંપરા આજે પણ એટલી જ શ્રદ્ધા અને ઉત્સાહભેર જાળવી રાખી છે તેમ જણાવ્યું હતું.