සළු පාලිය | Salu Paliya | 18 Sanniya Joke | Sri Lanka | 2023

පාලි නැටීම බෙන්තර සම්ප්‍රදාය තුළ විවිධ ගුරු කුල යටතේ සංඛ්‍යාත්මකව හා භාවිතයේ විවිධ පාලි පවතී. මෙය පසු කාලීනව විකාශනය වූවක් බව වර්තමානයේද ඇතැම් වයෝවෘධ ශිල්පීන් පවසයි. වෙස් මුහුණු සහිත පාලි බිහි වීමට පෙර මෙම පාළි නැටුවේ කුමාර පෙලපාලිය නර්තනය සිදු කල ශිල්පීන් බව ද ඔවුන් පවසයි. සන්නි සඳහා ආරාධනාත්මක නර්තනයක් ලෙස පාළි බිහිවූයේ නම් සන්නි 18 සඳහා පාළි 18ක් පැවතිය යුතුය. සොළොස් පාළි ලෙස බොහෝ ගුරුකුල තුල පාලි 12 බැගින් පවතී. මීගම ගුරුකුලයට අනුව පාළි 12 පහත වේ. 1.පන්දම් පාලිය 2.කඩු පාලිය 3.දූප පාලිය 4.කෙණ්ඩි පාලිය 5.තැඹිලි පාලිය 6.කලස් පාලිය 7.මුගුරු පාලිය 8.දුනු පාලිය 9.කුකුළු පාලිය 10.මාළු පාලිය 11.දළුමුර පාලිය 12.සලු පාලිය (මීට අමතරව අතු පාලිය ද දක්වා ඇත) විවිධ පූජා භාණ්ඩ අතැතිව නටන පාලි වලදී සම්පූර්ණ වෙස් මුහුණු භාවිත නොවීමද බෙන්තර ශෛලියෙහි විශේෂයකි. පන්දම් පාළිය සඳහා වෙස් මුහුණු භාවිත නොවේ. මේ වීඩියො එකෙන් අද සළු පාලිය බලමු