Абдиламит Матисаков: "Ала-Тоонун" кайра чыгышы-Ажобуздун камкордугу

Бүгүн, 25-июнда кыргыздын кашкөй таланттары: белгилүү акындар, жазуучулар, мамлекеттик жана коомдук ишмерлер “Кыргыз Туусу” маалымат-басма үйүнө келишип, “Ала-Тоо” адабий-көркөм журналын колдоо иретинде ар бири басылмага жазылышты. Төлөгөн Мамеев, Асан Жакшылыков, Токтосун Самудинов,Тынчтыкбек Нурмамбетов, Жаңыбай Жамшитов, Курманбек Осмонов, Макелек Өмүрбай, ГүлзияУали, Абдиламит Матисаков, Карбалас Бакиров, Жедигер Саалаев, Атантай Акбаров, Садык Алахан, Меңди Мамазаирова, ТазагүлЗакирова, Камбаралы Оркошов, Муратбек Рысбеков, Кубанычбек Бакиев, Жыргалбек Касаболотов өңдүү эл акындары, эл жазуучулары, эмгек сиңирген маданият ишмерлери “Ала-Тоонун” жамаатына басылманын окумдуулугун арттыруу, кызыктуу кылуу боюнча кеп-кеңештерин беришип, соңунда жалпы окурмандарга кайрылуу жасашты. “Кыргыз Туусу” маалымат-басма үйүнүн расмий сайты - https://ktmedia.kg/