OKUWANJAGIRA ABAJULIZI ABATUUKIRIVU AB’OMU UGANDA | Essaala Z'Omukristu

EBY’ABAJULIZI AB’OMU UGANDA OKUWANJAGIRA ABAJULIZI ABATUUKIRIVU AB’OMU UGANDA Mukama waffe Yezu, eyanunula ensi ng’otufiirira ku Musaalaba, Tukusinza, tukwebaza. Maria Omutuukirivu Nnyaffe, Kabaka w’ Abaju11zi, Tusabire, ebituluma bituviirengamu okwetukuza. AbajuliziAbatuukirivu, ab’omu Uganda, mmweabaagoberera Yecu mu kubonaabona, Mutusabire naffe okumugoberera tutyo. Yozefu Mukasa Omutuukirivu, omusaale w’ Abajulizi mu Uganda; eyali empagi luwaga ey’abasomi, Otusabire, okunywereranga ku mazima n’obwenkanya. Karoli Lwanga Omutuukirivu, Omuwolereza w’ Abavubuka mu Afrika yonna, n’ab’Enkola Enkatoliki, Otusabire obuvumu mu Ddiini n’okugitakabaniranga. Matia Mulumba Omutuukirivu, ekigero ky’ Abafuzi, era eyagobereranga Yezu omuteefu, Otusabire empisa ennungi ey’obuteefu nga Yezu. Donozio Ssebuggwaawo Omutuukirivu, eyatakabaniranga otyo Eddiini ya Yezu okugimanyisa banno, era n’obuwombeefu mu mpisa zo. Otusabire naffe okubeeranga abawombeefu. Ponsiano nnondwe Omutuukirivu, omuserikale omwesigwa, eyayaayaanira otyo okuttibwa mu bujulizi, Otusabire naffe okubeeranga abeesigwa mu _ mirimo egitukwasibwa. Andrea Kaggwa Omutuukirivu, Abasomesa n’Abayigisa kwe balabira, Otusabire twagalenga nnyo Yezu by ‘atuyigiriza. Atanansi Bazzekuketta Omutuukirivu, eyali Omuwanika omwesigwa mu Nkuluze ya Kabaka, Otusabire naffe okumanyiranga ddala obuvunaanyizibwa. Gonzaga Gonza Omutuukirivu, eyakwatirwanga ekisaasaazi abali mu nnaku n’abasibe, Otusabire naffe okubeeranga ab’omutima omusaasizi. Noa Mawaggali Omutuukirivu, omukozi ateenyinyalanga mirimo, eyaganza obwavu Evanyjili bw’ etuyigiriza, Otusabire naffe twagalenga obwavu obwo. Luka Baanabakintu Omutuukirivu; eyalulunkaniranga otyo okuttibwa mu bujulizi, ofaanane ne Yezu Omukomerere, Otusabire naffe twegombenga okumwefaananya tutyo. Yakobo Buzaabalyawo Omutuukirivu, eyali omuserikale omwesigwa, era omwagazi w’ensi yabommwe, Otusabire naffe okugyagalanga obulungi. Gyaviira Omutuukirivu, ggwe eky’okulabirako mu kutabagana n’obutasiba bivumo ku mwoyo, Otusabire naffe okusonyiwagananga ebivumo. Ambrozio Kibuuka Omutuukirivu, omuvubuka omusanyufu, atalabwa mu kwagalana ne banno, Otusabire naffe empisa ennungi ey’okwagalana. Anatoli Kiriggwajjo Omutuukirivu, omuddu omwetowaze, eyayagalanga eby’okusoma okukira ebitiibwa, Otusabire naffe tubiwoomerwenga tutyo. Akireewo Kiwanuka Omutuukirivu, eyakyayira ddala eby obukafiirl, ne weemalira ku Yezu, Otusabire naffe tubikyayirenga ddala bwe tutyo. Kizito Omutuukirivu, Omwana omutukuvu ddala, eyabugaananga essanyu 0lw’okwemanya Obukristu, Otusabire naffe okwesiimiranga mu Bukristu bwaffe. Mbaaga Tuzinde Omutuukirivu, eyalondawo okufa okubeera Yezu, n’otowuliriza abo abaali bakusendasenda, Otusabire naffe okugobereranga enneema ya Katonda awatali kulonzalonza. Mugagga Omutuukirivu, omuvubuka omuzira nnalukalala mu mpisa ennungi ey’ obutukuvu, Otusabire naffe obutaddirirangamu ~—kukwata obutukuvu. Mukasa Omutuukirivu, omulonde omunyiikivu, eyabatizibwa omusaayi gwo, Otusabire okunywerera ku ddiini okutuusa okufa. Adolfu Ludigo Omutuukirivu, eyasukkirira mu kugoberera Yezu okwefuula omuweereza wa banno, Otusabire naffe tubeerenga n omwoyo ogwo. Bruno Sserunkuuma Omutuukirivu, omuserikale eyatuwa eky’okulabirako mu kwenenya ne mu kwetangira ku by’okunywa, Otusabire naffe okwenenyanga n'okwetangiranga tutyo. Yoanna Maria Muzeeyi Omutuukirivu, omubuulirizi omulungi, era atenkanika mu kukolera banno eby’ekisa, Otusabire naffe tubibakolerenga bwe tutyo. Abajuliz Abatuukirivu, ab’omu Uganda, mvwenna mwanywerera ddala mu Klezia wa Yezu ow’amazima ne mumufirira, Mutusabire naffe tunywerenga bwe tutyo. Twegayirire Ayi Mukama waffe, Yezu Kristu, ggwe eyawa Abajulizi Abatuukirivu ab’omu Uganda, Karoli Lwanga, Matiya Mulumba ne Bannaabwe, amaanyl ageewuunyisa; era naffe n’obatuwa batubeerere eky’okulabirako kwe tunaalabiranga empisa ennungi ey’okukkiriza ey’obuzira, ey’obutukuvu n’ey’okwagalana era n’ey’obwesigwa: tukuwanjagira nga n’Abajulizi batuwolereza, otuwe okweyongeranga mu mpisa ennungi ezo n’okutakabanira Eddiini ey’amazima okugibunya wonna, Ggwe awangaala ng’owamnamye mu Bwakabaka emirembe n’emirembe. #catholicprayers #lugandaprayers #ugandamartyrs