కనులు కనులు కలసిన వేళ ఎపిసోడ్ 6

అనుకున్నట్టుగానే ఆరోజు సాయంత్రానికి అందరూ కుందన హస్పిటల్ డిస్టర్జ్ చేయడంతో అందరూ కలిసి క్షేమంగా బంగ్లాకు చేరుకున్నారు. కారు దిగీ దిగడంతోనే దృశ్య శంకర్ ఎవరి సహాయం తీసుకోకుండా, తానే స్వయంగా కుందనను చేతుల్లోకి ఎత్తుకొని లోపలికి తీసుకురావడం చూసి జానకి గారి ఆనందానికి అవధులు లేకుండా పోయాయి. తన కూతురిని అల్లుడు అంతలా చూసుకుంటున్నాడని ఆమె మురిసిపోయింది. కానీ, ద్రూ ప్రవర్తన చూసి లోలోపల కుందన మాత్రం కోపంతో రగిలిపోతోంది. ముక్కుమీద కోపం ముత్యమంత ఉన్న ఆమెకు, ద్రూ బలవంతం అస్సలు నచ్చలేదు. పక్కనే నిలబడిన రాజశేఖర్ గారు కొడుకు చేసిన పనికి గర్వంతో మీసాలు మేలేస్తూ భార్యతో అన్నారు: "చూశావా సుమిత్రా! కాబోయే భార్య మీద నా కొడుక్కి అప్పుడే ఎంత ప్రేమ వచ్చేసిందో! అసలు సిసలైన నా రక్తం అనిపించుకున్నాడు." ఆ మాటలు విన్న కుందనకు కోపం నషాళానికి అంటింది. చేతిలో దరువు బాబు ఉన్నాడన్న మాటే కానీ, ఆమె మనసు మాత్రం తీవ్రమైన