كيف تقهر الشخص السام وتسيطر عليه ؟

رابط التواصل واتس اب لحجز الاستشارات https://wa.me/message/4K7TVBFYLERZP1 فى نوعية كده من الناس القدر بيخليك غصب عنك مضطر انك تتعامل معاهم بيبقى شخص كده رغم انه مؤذي ومزعج وسام الا انك مضطر غصب عنك تتعامل معاه ممكن الشخص ده يكون اب مؤذى مثلا فانت مضطر تتعامل معاه لانه فالنهاية ابوك ممكن يكون الشخص ده زوج او زوجة مؤذية او ممكن يكون الشخص ده انت دخلت معاه فعلاقة بقالك فترة واتعلقت بيه بعدين اكتشفت انه شخص توكسيك بيدمرلك حياتك ومع ذلك مش قادر تخرج من العلاقة دى وفنفس الوقت مش عارف تتعامل معاه ازاى,ممكن يكون الشخص ده صاحبك بقاله فترة وانت قررت انك تصاحبه على عيبه على امل انه يتغير, ممكن يكون زميل فالشغل او مدير مضطر انك تتعامل معاه.. فا انك تحس بخنقة واكتئاب لمجرد انك بتتعامل مع شخص معين ، انك تحس بقلق وتوتر لما تفتكر انك هتقابل الشخص ده تانى ، احساسك انك هتكون متهم فى أى لحظة وانت بتتكلم معاه وانك مطالب بالدفاع عن نفسك ، شعورك بالذنب دائما على أخطاء انت ماعملتهاش ، وانتقادك المستمر على حاجات عادية ماتستاهلش النقد ، , انك تندم انك اتعرفت على حد ولو رجع بيك الزمن تانى حتنهى العلاقة دى قبل ماتبدأ ، لو حسيت بكل ده مع شخص معين ، فده مش معناه انك مجنون أو مريض نفسى ، ده معناه أنك فى علاقة سامة واستمرار العلاقة دى على نفس الوضع وبنفس الضغط العصبى والنفسى والمشاعر السلبية هو اللى ممكن يحولك لمريض نفسى ، فلو فى حد فى حياتك حاسس ان وجوده بالنسبالك أذى وبقيت رابطه جواك بطريقة لا ارداية بمشاعر الخوف والاحباط فانت محتاج تركز كويس جدا فكل كلمة هقولهالك دلوقتى عشان تعرف ازاى تتعامل مع الشخصيات السامة اللى فى حياتك دى وازاى تتجنب التعب النفسى اللى ممكن تحسه بسببهم، #محمد_عبدالعال #toxic