Autizm - "Oğlumu onları öpdüyü üçün əl ilə itələyirdilər"

Arzu Məmmədova deyir ki, heç gözləmədiyi halda övladı autizmli olub. Öz övladı autizm spektrlı doğulana kimi bu barədə məlumat almadığı üçün bir müddət nə edəcəyini bilməyib. Ana cəmiyyətə doğru məlumatlar ötürülməməsinə görə həm autizmlilərin, həm də valideynlərinin əlavə stres yaşadığını deyir. "Bir an anidən deyirlər ki, sənin uşağın autizmdir. Autizmin nə olduğunu dərk etmirdim birinci növbədə. Daha sonra böyük bir stress keçirdim. Bir şeyi başda bilmirdim ki, o stresi keçirməklə mən övladıma ziyan vurdum. Heç yerə çıxa bilmirdim, apara bilmirdim. Avtobus, metro olurdu. Kim gəlirdi qucaqlayırdı, öpürdü. Baxmırdı, yaşlısı, böyüyü. Bəzən insanlar təəccüblü qalırdılar, bu uşaq məni tanımır axı, niyə öpür. Bəzən insanlar qarşılıq verirdi, amma çox aqressiv insanlar da olurdu. Əli ilə itələyirdi ki sən məni niyə öpürsən, xeyir ola? Kim görüb deyir “Allah şəfa versin”, ürəyim ağrıdı. Yazıqdır. Bu sözləri, düzdür, o uşaqlar dərk etmir, amma bir valideyn bu sözlərdən sonra nə hala düşər?”, Arzu Məmmədova bildirir. Oğlu Uğurdan sonra Arzu Məmmədova üçün başqa bir dünyanın qapıları açılıb. Autizm spektrlı uşaqların ehtiyaclarını öyrənməyə başlayıb. Övladının inkişafı üçün sosiallaşmasının nə qədər önəmli olduğunu başa düşdüyü üçün ev təhsili yox, inklüziv təhsil almasına nail olub. İndi onun oğlu Uğur 1-ci sinifdə oxuyur. "Mən özümü çox xoşbəxt hiss edirəm ki, övladımı inklüziv təhsilə yönəldə bilmişəm, çünki mən də xüsusi təhsilə yönəldəcəkdim, bildiyimiz kimi orada çox uşaqlar qarışıqdır. Biz də bir valideyn kimi, yəni bu qədər öyrədirik, irəli gətiririk, istəyirik ki, cəmiyyətə qarışdıraq, amma o təhsilə yönələn uşaqlarda cəmiyyətə qarışmaq çox çətindir. Əksinə, onlar daha da aşağı gedirlər, amma inklüziv təhsil onları daha da üzə çıxarır, daha da təkminləşdirir, amma azdır. Təəssüflər olsun ki, hələ çatmır. Çox uşağın ehtiyacı var. Bu dəqiqə çox uşaq ona görə kənarda qalıb", Arzu Məmmədova deyir Nailə Həsənzadə deyir ki, autizmlilər ağır, orta, yüngül kateqoriyalara bölünür. O bildirir ki, ən çox qayğıdan kənarda qalanlar yüngül dərəcədə olanlardır. Çünki onlar inklüziv məktəblərə getməli olsalar da, çox vaxt bundan yararlana bilmirlər. "Azərbaycanda bölgələrdə yox, sadəcə Bakı ərazisində var. 6 məktəbdə inkluziv təhsil olur. Bu da yetərli sayılmır. İnklüziv təhsilə ehtiyacı olan autizmli uşaqların sayı ilə heç uyğun gəlmir . 6 məktəb o ehtiyacı ödəmir", ekspert deyir. Ekspert vurğulayır ki, autizm spektr pozuntulu uşaqların qarşılaşdığı ilk problem onları gizlətməyə çalışan ailələri, daha sonra cəmiyyət və maddi çətinliklərdir. Uşaq bərpa prosesinə qədər bu 3 maneəni dəf etməli olur "Ən birinci yaxın ərazidə yerləşən reabilitasiya mərkəzi olmalıdır. Uzaq yol autizmli uşaq üçün və onun qayğısını çəkən ana və digər şəxs üçün stress mənbəyidir. Çünki uzun yolda daha çox yorulur. Autizm sindromlu uşaqların reabilitasiyasını intensiv və dəvamlı aparmaq üçün ikinci ən lazımlı maddi vəsaitdir. Maddi vəsait hesabına intensiv və davamlı reabilitasiyasını başa vurmaq olur", Nailə Həsənzadə deyir. Aprel ayı Ümumdünya autizm maarifləndirmə ayı kimi qeyd edilir. Bu ay cəmiyyətin fərqli uşaqlara və şəxslərə qarşı qayğı və diqqət göstərməsi üçün nəzərdə tutulub. Azərbaycanda qeydiyyatda olan 2000-ə yaxın autizmli olduğu deyilir. Kanala abunə ol - https://goo.gl/TcM9Fm Bizə maddi dəstək ol https://cutt.ly/destek WebSite: http://www.meydan.tv Facebook: http://fb.com/MeydanTelevision Twitter:   / meydantv   Google+ https://plus.google.com/+MeydanTelevi... İnstagram:   / meydantv   __________________________________________________________________ Xəbərdən çox xəbər var. Çəkin göndərin yayımlayaq - Whatsapp : +4915777662277