කවුරුත් බයෙන් ගැහෙද්දී කුලප්පු වුණු ඇතා ළඟට නායක හාමුදුරුවෝ වැඩම කළ පසුව සිදුවූ හාස්කම!

පෙරහැරක ඇතෙකු කුලප්පු වීමෙන් ඇත්ගොව්වාට තුවාල.. නොබෝ දිනකින් පැවැත්වීමට නියමිත රාගම - වල්පොල ඓතිහාසික පොසොන් මහා පෙරහැරට සමගාමීව මේ දිනවල අවට විහාරස්තානවල කුඩා ප්‍රමාණයේ පෙරහැරවල් පැවැත්වෙනවා. වැඩි වශයෙන් කුඩා දරුවන් සහභාගී වී පැවැත්වෙන එන පොරහැරවල් “මල් පෙරහැර“ ලෙස හැඳින්වෙන අතර එවැනි පෙරහැරක් ඊයේ ( 24/06 ) දින ආරම්භ වීමට නියමිතව තිබුණේ පොල්පිතිමුකලාන අශෝකාරාම විහාරස්ථානයේ සිටයි. එහිදී ඒ සඳහා සහභාගී කරවීමට නියමිතව සිටි ඇතෙකු කුලප්පු වී සිදුකළ පහර දීමකින් එම සත්වයා පාලනය කිරීමට යොදවා සිටි ඇත්ගොව්වා තුවාල ලබා රාගම රෝහලට ඇතුලත්කර තිබුනා. ඇත්ගොව්වා සහ තවත් කිහිපදෙනෙකු ඇතාට ඇඳුම් අන්දවමින් සිටි බවක් එහිදී සත්වයා කළබල වී ඇති බවත් ප්‍රදේශවාසීන් කියා සිටියා. මෙම සිද්ධිය නිසා ගම්පහ - ගනේමුල්ල ප්‍රධාන මාර්ගයේ ගමනාගමන කටයුතු වලට සුළු වශයෙන් බාධා එල්ල ව‍ූ අතර පසුව කඳාන පොලිසියේ නිලධාරීන් මැදිහත්ව එය නිරාකරණය කර තිබුනා. මෙම ඇතා ගම්පහ ජාත්‍යන්තර සාම මහා විහාරස්ථානයේ විහාරාධිපති ස්වාමින්වහන්සේ පැමිණීමෙන් අනතුරුව ඇතා සන්සුන් වූ බවත් ප්‍රදේශවාසීන් කියා සිටියා. ඇත්ගොව්වා තවමත් රාගම රෝහලේ ප්‍රතිකාර ලබමිනුයි සිටින්නේ.