{تعاشب شاي}(2402) فيلم Michael : كيف تشارك في تمويل إعادة تدوير و غسيل سمعة المتحرشين بالأطفال.

الأسبوع ده.. بدأ في السينيمات عرض فيلم "مايكل".. الفيلم اللي بيحكي قصة حياة مايكل جاكسون.. و اللي قام بدوره "جعفر جاكسون".. ابن اخو مايكل نفسه.. طيب.. مين اللي أنتج الفيلم ده و صرف عليه و كلفه ٢٠٠ مليون دولار؟ جون برانكا وجون ماكلين.. مين دول بقى؟ دول يا سيدي المئولين عن إدارة تركة مايكل جاكسون.. يعني زيتنا في دقيقنا.. الكلام ده معناه ايه؟ ان الفيلم ده مش فيلم عادي بيحاول يقدم رؤية مستقلة.. لأ.. ده اللي عامل الفيلم هو الناس اللي بيديروا فلوس مايكل من ساعة ما مات في ٢٠٠٩.. تركة مايكل حاليا قيمتها تخطت المليار و ٢٠٠ مليون دولار!! خصوصا بعد ما باعوا نص أغانيه لشركة سوني ب٦٠٠ مليون دولار.. ولحد النهاردة، وبعد 16 سنة من موته، مايكل و هو في قبره.. بيكسب ٧٥ مليون دولار سنوياً.. و من الأرباح دي.. تم انتاج الفيلم.. طب فين المشكلة يعني؟.. ما عادي .. لا هو أول ولا آخر فيلم عن حياة فنان.. لأ حضرتك . في حالة مايكل تحديدا.. ده مش أي فنان.. و الفيلم ده مش معمول لأهداف بريئة نهائيا.. الموضوع أكبر بكتير من الفن و الزيكا.. في شهر نوفمبر اللي جاي.. يعني كمان 7 شهور تقريبا، هتبدأ محاكمة مدنية في لوس أنجلوس، وايد روبسون وجيمس سيفتشاك بيطالبوا فيها بـ 400 مليون دولار تعويضات من شركات مايكل، لإن الشركات دي كانت الغطاء القانوني اللي مايكل استخدمه عشان يتحرش بيهم و بغيرهم و هم أطفال.. القضية دي مش جديدة، دي صراع قانوني بقاله أكتر من 10 سنين ووصل للمحاكمة أخيراً. وتوقيت عرض الفيلم دلوقت.. قبل المحاكمة .. مش صدفة، ده قرار تجاري محسوب عشان يغسلوا سمعة مايكل و يخلوا الناس تتعاطف معاه قبل بداية المحاكمة.. عشان يأثروا على نتيجتها.. اشمعنى يعني؟.. عرفنا ده منين؟ من الفيلم نفسه.. تخيل كده .. لو فيلم تايتانيك.. انتهى عند اللقطة الشهيرة اللي جيك و روز واقفين فيها في مقدمة السفينة؟.. كنت هاتحس ان فيه حاجة غلط.. مش كده؟ فيلم عن تايتانيك.. يبقى لازم يعرض لحظة غرق السفينة.. والا يبقى مالهوش أي لازمة.. أهو ده بالظبط اللي حصل في فيلم مايكل.. الفيلم أحداثه بتنتهي عند بداية جولة "Bad" سنة ٨٨.. يعني قبل أول اتهام علني بالتحرش ضد مايكل بـ٥ سنين! الحاجة اللي بتأكد ان الفيلم معمول عشان يلمعه.. مش عشان يقدم أي وجهة نظر.. لأن الفيلم بينتهي.. في اللحظة اللي الحكاية الحقيقية بتبدأ فيها.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com