✨現場實況：🤓林家謙領唱生日歌賀壽星鄭秀文🫶🏻互送大禮笑爆嘴😂Sammi自嘲燙衫板襯Iron 林伯鈣質舞 MJ「上身」哂moonwalk🕺🏻帶私伙相機飛上山頂玩kiss cam｜Viu1現場實況

✨現場實況：🤓林家謙領唱生日歌賀壽星嘉賓鄭秀文🫶🏻互送大禮笑爆嘴😂Sammi自嘲燙衫板襯Iron 林伯鈣質舞level up🔥 MJ「上身」哂moonwalk大絕🕺🏻帶私伙相機飛上山頂潮玩kiss cam｜Viu1現場實況 林家謙共10場嘅紅館個唱《White Summer》，今晚正式開鑼！「白馬王子」家謙喺「隨意盒」中驚喜登場，打頭陣唱新歌《夏日之子》，最後仲嚟個萬人大合唱「人人是天氣之子」，一開騷就氣氛high爆！ 首場嘅嘉賓係今日（19日）正日生日嘅Sammi鄭秀文，呢對「表姐弟」合唱《下一位前度》！Sammi直言呢次做嘉賓係嚟報恩，所以不惜改機票都要嚟！貪玩嘅家謙繼而領唱生日歌，笑言呢件事係「I人嘅地獄」，當然唔少得送禮環節啦！家謙自爆喺「雙失」之下準備咗呢份禮物畀表姐，氹得Sammi鬼咁開心！之後Sammi竟然話有回禮禮物，當兩個轉數快之鬼走埋一齊，成件事會有幾咁笑爆嘴？最後二人再合唱多首快歌《Chotto等等》，家謙話係屋企人指定㗎！ 個唱中，換上雙面西裝set嘅家謙坐上小台喺舞台上飄移，今次個舞台真係好多花臣玩呀！林伯喺位度唱《聽到你一聲「喂～」，我沒了》，期間郁動上半身，睇嚟藏喺林伯體內嘅跳舞細胞要爆啦！果然一去到《特倫斯夢遊仙境》，林伯就Michael Jackson「上身」，就連大絕moonwalk都使埋出嚟，其他舞步亦變得利落、到位、更有力，睇嚟林伯嘅舞技level up up up呀！ 跳完成part舞後，家謙直落自彈自唱《難道喜歡處女座》，全程零喘氣，堅呀！之後家謙乘着小盒子飛上紅館山頂位置嚟個繞場一周，佢仲帶埋部私伙相機上去同大家玩kiss cam，有冇非正印嘅畀家謙斷正？另外，DJ Donald、鄧小巧入場睇騷；至於Do姐、張敬軒、容祖兒、莫文蔚、蔡卓妍、吳雨霏、成龍、鄭中基、炎明熹及Beanies等則送上花籃support！快啲即刻去睇實況片啦！ #林家謙 #WhiteSummer #Sammi #鄭秀文 #白馬王子 #夏日之子 #表姐弟 #下一位前度 #I人嘅地獄 #Chotto等等 #林伯 #特倫斯夢遊仙境 #難道喜歡處女座 #足本訪問 #現場實況 #Viu1娛樂新聞 #Viu1 #Viu #Viu煲劇平台 記得Subscribe Viu1HK嘅YouTube Channel，Follow埋IG同Facebook page呀 _ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/@viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com