#noha Jinhain Yaqeen tha QAIM (AJ) pe | #mujtabarizvi

Recited by Mujtaba Rizvi Kalam: Mujtaba Rizvi Incholi Block 20 Karachi April 2, 2026 مصرعۂ طرح امام سامنے تھے اور ہم نہیں جانے جنہیں یقین تھا قائم (عج) پہ بس وہی جانے، خوشا نصیب جو فرشِ عزا کو پہچانے ولائے آلِ پیمبر سے دل رہیں آباد، یہ منقبت، یہ شرابِ ولا کے مئے خانے ہماری زِیست کی بُنیاد ماتمِ شبیر (ع)، ہماری سانسوں کا مقصد ہیں یہ عزا خانے مٹا سکے گی یہ دنیا کبھی نہیں! جن کے، شرابِ عشقِ علی سے بھرے ہیں پیمانے بُلا رہے ہو جو اُنکو یہ بات یاد رہے، عقیدے ٹھیک نہیں گر، لگو گے پچھتانے علی کی تیغ بھی کھائے گی اُنکو بعدِ ظہور، جو ذوالعشیرہ میں بھی آئے تھے فقط کھانے خیال آئے گا مرقد میں دیکھ کر اُنکو، امام سامنے تھے اور ہم نہیں جانے ہوئے ہیں کافی وہ اہلِ عزا کی بخشش کو، جو لائیں گی سرِ محشر بتول (س) دو شانے فرات روتی رہی کربلا میں بل کھا کر، بڑھا بھتیجا جو اپنے چچا کو دفنانے ہمیں بھی زندہ رکھیں گی اے مجتبیٰ تو فقط یہ مجلسیں، یہ محافل، یہ تعزیہ خانے۔