Tv Klan - Aksident tragjik në “Rrugën e Arbrit” | Lajme News

#aksident #rrugaarbrit Kjo është gjithçka ka mbetur nga makina tip Mercedes Benz 240, ku udhëtonin 3 viktimat e aksidentit të rëndë të rëgjistruar mbrëmjën e kësaj të hënë në në aksin Fushë Bulqizë-Shupënzë. Ngjarja tragjike u regjistrua rreth orës 18:15 në vendin e quajtur ‘Ura e Gjoricës’. Në aksident janë përfshirë 2 automjete tip Benz, të cilat u përplasën kokë më kokë. Siç shihet, përplasja ka qenë tejet e fortë e për pasojë Benzi ku udhëtonin viktimat është ndarë në dy pjesë. Referuar dinamikës paraprake të ndërtuar, ka dyshime së makina tip Mercedes Benz 240 ku udhëtonin dy vëllezërit Kujtim dhe Murat Istrefi me dy bashkëshortet Lulzime dhe Firuze Istrëfi, ka dalë nga një rrugë dytësore për t’u futur në rrugën nacionale. Lëvizja e automjetit të tyre i ka prerë rrugën mjetit tip Mercedes më targa angleze, ku udhëtonin Mërgim e Edison Lazri dhe Kadrie Markeçi. Për pasojë nga përplasja kanë gjetur vdekjen e menjëhershme dy vëllëzrit Kujtim dhe Murat Istrefi, ndërsa rrugës për në spital dhë bashkëshortja e njërit prej tyre, Lulzime Istrefi. Ndërsa mbeti i plagosur pasagjeri i 4 në Benzin ku udhëtonin viktimat, si dhe 3 personat që lëviznin me automjetin tjetër. Dëri në këtë fazë të hetimit, dyshimet janë së shkak është bërë prerja e rrugës nga automjeti i viktimave, megjithatë policia nuk ka ende një përgjigje zyrtare rreth shkakut të këtij aksidenti. Nisur nga kjo, uniformat blu kanë ngritur një grup hetimor më qëllim zbardhjen e rrethanave të aksidentit me 3 viktima e 4 të plagosur. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/