Garë e fortë në zonën elektorale nr. 80 midis kandidatëve në Korçë - (23 Qershor 2005)

Lajme arkiva 2005 Në zonën elektorale 80 në qytetin e Korçës votën e elektoratit e kërkojnë kandidati socialist Ben Blushi që synon një mandat të dytë, ai demokrat Gjergi Pendavinji dhe ai Lëvizjes Socialiste për Integrim Vasillaq Thimo. Të tre kandidatët premtojnë se do të zgjidhin problemet e zyrës tyre në lidhje më punësimin, infrastrukturën si dhe problemet e tjera sociale që ka komuniteti ku ata kandidojnë. Ata shprehen se besojnë në fitoren e tyre së pari për shkak të forcës politike që përfaqësojnë në këto zgjedhje por nuk lënë mënjane eksperiencën apo aftësinë e tyre për të çuar këtë platformë te elektorati. Ben Blushi: “Unë jam i përkushtuar që për 4 vjeçarin e ardhshëm kryesisht dhe përgjithësisht ne të fokusohemi në punësimin e rinisë sidomos në Korçë. Korça po shkon drejt një ekonomie të zhvilluar prodhimi. Ky është diferenca dhe ndryshimi që ka me shumë zona të tjera në Shqipëri. Ka nevojë imediate për të ndërhyrë në infrastrukturën rrugore të qytetit. Duhet të them që ne do kishim mbetur shumë më shpejt me rehabilitimin e infrastrukturës rrugore përgjithësisht në qytet, në rast se nuk do të kishim pasur në partner mediokër siç është Bashkia e Korçës.” Gjergi Pendavinji: “ Ne do të ndryshojmë jo vetëm zhvillimin ekonomiko-shoqëror të vendit por edhe zhvillimin e arsimit, zhvillimin e shëndetësisë. Të tëra këto në harmoni me projektin tonë të ndryshimit. Njëkohësisht ne do të mbjellim edhe një kulturë të re politike, veçanërisht e domosdoshme në zonën time elektorale ku kanindidoj, mbasi aty vihet re përplasjet midis pushtetit vendor dhe pushtetit qendror. Ndonëse ata janë të partive kundërshtare politike, kjo nuk duhet të ndodh në vendin tonë sepse është një shmangie nga kultura demokratike, dhe për këtë arsye ne angazhohemi që të mbjellim një kulturë të re politike edhe në këtë drejtim.” Vasillaq Thimo: ‘Në zonën time 80 ku unë kandidoj problemet kryesore janë punësimi dhe strehimi. Sidomos punësimi i intelektualëve korçarë dhe në veçanti rinisë. Tjetër problem është mungesa e një infrastrukturë bashkëkohore dhe asaj infrastrukturë që meriton qyteti i Korçës . Së treti, pamjaftueshmëria e hapësirave rajonale për bashkëpunim që ekzistojnë sot me vendin fqinj dhe lëvizja e lirë e njerëzve” /tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/