شيلة || لذة ايامي - سعد لفى الشطيطي & العذب || 2026

شغموم - SHGMUOM مرحبابكم جميع ، تشرفني متابعتكم للتواصل عبر (( الواتساب فقط )) +966 | 0533027484 رابط الواتساب المباشر : https://api.whatsapp.com/send/?phone=... _______________ الكلمات : اسر يالليل ، لو طالت معاك المساري قصتي معك ماهي كل ليلة جديده بيني وبينك ، علومٍ كْبار وطواري وذاخرٍ لي سلاح وفاقدٍ لي فقيده يرتع الحزن من بين الضلوع العواري ويتمادى الشعور اللي بقى له شريده غبت عن لذة ايامي ولا اخلف مساري غير طلة سنافيه وطالة وليده ودي اني ما بين الترمذي والبخاري ما شغل بالي الا كيف احفظ العقيده مير انا انسان يقتله الغيا و الطواري تاخذه من يدين الناس للشعر سيده قربو طارف الدله لطارف وجاري لين اطوع عيون الشاردات العنيده صفةٍ وحّده من نقوتي واختياري يوم غنيتها زانت بيوت القصيده في مقامٍ ماني والله عليه متواري انطح الواجبه ماني براعي زهيده الاسامي كبيره والمواقف كباري وكل طيب تراني فالمواقف عضيده كيف اجنب عن المطران وانا انتحاري : كل ما ينتهي علمٍ عسر قلت عيده :) مرحبا رحب ماله فالبسيطه مجاري في محافل مطير اهل الفعول الوكيده يا صقر فيك من هدت سميك مواري والله الظاهر ان دمك يجي من وريده ! ما تزل المسار و محتزم بـ السواري في لزومٍ من يخليه ؟ فرصة سعيدة نفعك اكرم من الماء في بطون الخباري ووقفتك تطرد ظروف الليال الشديدة محزمٍ وقفته تجلى عماس المطاري سعد عين السنيد اللي يحطه سنيده كل ماجيته من الضيق : فاتح زراري قال قفّل زرارك ،، وازهل اللي تريده :) اترك الهم والدنيا وحزني : يساري دام احطه على يمناي وقت المكيده من بني شالح اللي في نباهم يماري سادة الفعل مفنين الطغاة العنيدة كم صبيٍ جرت فوقه كبار الجواري فكوا رقبته ،، وفكوا من يديه قيده من قرى الحرة اليا نجد دارك و داري بين ربع وبني عم وعزاوي بديده وامش لين الكويت مخضبين الشباري عزوة مطير فيها واهل الاريا السديده فوق قب المهار وقبل عهد اللواري قد غزينا عرب بغداد لو هي بعيده الخصيم يتمنى الموت والموت جاري مير شاف العزاير يوم ننتخ عقيده لو يهل العباري ماتفيد العباري يـتصلوى على نارٍ لهبها وقيده