ሰው ከተስፋ ውጪ ለአንድ ሰከንድ መኖር አይችልም! Dr. Eyob Mamo || የዓላማ አቅም በዶ/ር ኢዮብ ማሞ

የዓላማ አቅም “ሰው ከምግብ ውጪ 40 ቀናትን፣ ከውሃ ውጪ ሶስት ቀናትን፣ ከአየር ውጪ ስምንት ደቂቃዎችን መቆየት ይችላል፣ ከተስፋ ውጪ ግን ከአንድ ሰከንድ ውጪ መኖር አይችልም” - Hal Lindsey የትኩረት ነጥብ፡- ዓላማ ሲኖረን የመኖር አቅም እናገኛለን፣ አቅም ስናገኝ ደግሞ የበለጠ ዓላማ ያለው ሕይወት እንኖራለን! • የወደፊት ዓላማ ማለት ተስፋ ማለት ነው፡፡ • ዓላማ ከተስፋ ጋር የሚገናኝበት ዋነኛ ምክንያት የወደፊቱን የመኖር ጉጉታችንን የሚወስን ጉዳይ ስለሆነ ነው፡፡ • ከወደፊቱ ዓላማ ይልቅ ያለፈው ታሪካችንና የዛሬ ደረጃችን ላይ ስናተኩር አቅም እናጣለን፡፡ ሁለት ዓይነት ዓላማዎች 1. አጠቃላይ የሕይወት ዓላማ - ከራእያችን እና ከሕልማችን አንጻር ያለን የወደፊት እቅድ፡፡ 2. የየዕለት ዓላማ - ከአጠቃላይ የሕይወት ዓላማችን አንጻር በየእለቱ ለማከናወን የምንፈልጋቸው ነገሮች፡፡ አራቱ የዓላማ ጥያቄዎች 1. ምን መሆን እፈልጋለሁ? - መርሃችንን፣ የሕይወት ዘይቤያችንንና ጓደኝነታችንን የሚመልስልን ጥያቄ ነው፡፡ 2. ምን ማድረግ እፈልጋለሁ? - አከናውነን ማለፍ የምንፈልጋቸውን ተጽእኖ አምጪ ነገሮች እንድንለይ የሚያነሳሳን ጥያቄ ነው፡፡ 3. ምን እንዲኖረኝ እፈልጋለሁ? - ከእውቀት፣ ከገንዘብ አቅም፣ ቤተሰብን ከመመስረት ጋር የሚገናኝ ጥያቄ ነው፡፡ 4. ለምንድነው የምፈልገው? - የጠቀስናቸውን ነገሮች ለምን እንደፈለግናቸው የመነሻ ሃሳባችንን የሚያጠራ ጥያቄ ነው፡፡ #purpose #vision #viral