ანსამბლი რიჰო - დიდებათა

კანდი მერლანის საიუბილეო საღამო. კანდი მერლანი - ქართული ფოლკლორის ისტორიისათვის უმნიშვნელოვანესი სახელი და გვარია. სვანური ცეკვის უბადლო შემსრულებელი და მესტიის ფოლკლორული ანსამბლის ,,რიჰოს“ მთავარი ქორეოგრაფი სოფელ ლენჯერში დაიბადა და დღესაც იქ ცხოვრობს. მამამ ფეხის ცერებზე ბავშვობაში დააყენა და მას შემდეგ სვანური ცეკვა გახდა მისი ცხოვრების არსი. კანდი მერლანის 80 წლის იუბილე ოპერისა და ბალეტის სახელმწიფო თეატრში ფაქტობრივად, მთელმა საქართველომ ერთად აღნიშნა. ღონისძიებაში მონაწილეობდნენ: ,,რიჰო“, ლელა თათარაიძე, ,,ერისიონი“, ,,რუსთავი“, ,,ბერმუხა“, ,,ბასიანი“, ,,ძირიანი“, ,,დიდგორი“, ,,სახიობა“, ,,შილდა“ და მესტიის სალოტბარო სკოლა. კანდი მერლანის საიუბილეო საღამო გაიმართა ანზორ ერქომაიშვილის სახელობის ფოლკლორის სახელმწიფო ცენტრის ინიციატივითა და საქართველოს კულტურის, სპორტისა და ახალგაზრდობის სამინისტროს მხარდაჭერით.