MeyArt - Vidadi Həsənov: "İncəsənətimizin ən böyük problemi pulsuzluqdu"

Müstəqil teatr yaratmısansa nə məkanın, nə də maliyyə vəziyyətin yaxşı olacaq. Dövlət də həmin teatrlara ayaqda qalması üçün heç bir yardım etmir. “MeyArt”a müsahibə verən M teatrının rəhbəri, xalq artisti Vidadi Həsənov deyir ki, teatr 7 ildir fəaliyyət göstərsə də, yalnız ötən il özlərinə məkan tapa bilib. O da “Qanun” Nəşriyyat Evinin kiçik bir otağında. Vidadi Həsənovla ölkədəki müstəqil teatrların durumundan danışmışıq. Daha ətraflı sujetdə izləyək. Azərbaycanın bu il "Eurovision”da təmsilçisi 5 musiqiçi arasından seçiləcək. Bunu mediaya Azərbaycanın “Eurovision”a nümayəndə heyətinin mətbuat katibi İlahə Dadaşova deyib. Onun sözlərinə görə, builki seçim zamanı mahnı müəlliflərinin azərbaycanlı olmasına xüsusi diqqət ayrılıb. " Namizədlər Leyla İzzətova, Humay Aslanova və Əmrah Musayev dueti, “Mamagam qrupu, Turan və Tural Bağmanovlar dueti və Azər Nəsibovdur. Mahnıların səsyazma keyfiyyəti baxımından fərqli olmasının yekun qərara təsir etməməsi və sağlam rəqabət imkanının təmin edilməsi üçün bu 5 namizədin ifaları eyni səsyazma studiyasında və eyni şəraitdə işlənilib", - deyə İlahə Dadaşova bildirib. 2023-cü ildə müsabiqəyə Böyük Britaniyanın Liverpul şəhəri ev sahibliyi edəcək. İranın təhlükəsizlik və ədliyyə aparatının qəddarlığına etiraz olaraq həbsxanada aclıq edən kino rejissor Cəfər Pənahi zaminə buraxılıb. İran Kinematoqrafçılar İttifaqı bildirib ki, rejissoru onun ailəsinin, hüquqşünasların və kino işçilərinin birgə səyləri nəticəsində zaminə buraxdırmaq mümkün olub. "Mən buradan azad olunanadək yeməkdən, sudan və dərmanlardan imtina edirəm. Mən, belə görünür ki, cansız cəsədim buradan çıxana qədər bunu davam etdirəcəyəm” - Pənahinin bu bəyanatını onun xanımı Tahirə Səidi və oğlu Pənah Pənahi “Instagram” hesablarından yaymışdılar. 62 yaşlı rejissor bu ilin iyul ayında İran hakimiyyətini ölkəni bürüyən etiraz dalğasını zorakılıqla yatırmağa çalışdığı bir vaxtda həbs edilib. Kinorejissor başqa həmkarları ilə yanaşı hakimiyyətin etirazçılara qəddar divan tutmasına qarşı səsini ucaltmışdı. Həbsindən bir neçə gün əvvəl Cəfər Pənahi 300-dək İran kinematoqrafçısının açıq məktubuna imza atmışdı. Həmin məktubda təhlükəsizlik qüvvələrinə silahı yerə qoymaq çağırışı edilir, hakimiyyətin korrupsiya, oğurluq, səriştəsizlik və repressiyaları kəskin tənqid olunurdu. 2013-cü ildə Rusiyaya köçən və vətəndaşlıq alan fransalı aktyor Jerar Depardye Ukraynaya dəstək olub və Rusiya vətəndaşlığından çıxmaq istəyir. "Rusiya vətəndaşı olduğuma görə utanıram. Mordoviyadakı mənzilimin satışından əldə olunan gəliri Ukrayna Silahlı Qüvvələrinə kömək üçün köçürdüm. Fransa hakimiyyətinə dəstək üçün müraciət edirəm və onlardan mənə müharibədən qaçqın statusu vermələrini xahiş edirəm", - aktyor "Le Figaro" müsahibəsində bildirib. Depardye Fransanın keçmiş prezidenti Fransua Ollandın ölkənin ən varlı vətəndaşlarından 75 faiz vergi tətbiq etmək niyyətinə etiraz olaraq Rusiyadan vətəndaşlıq istəmişdi. O, 2013-cü ildə Rusiya prezidenti Vladimir Putinlə qısa görüş zamanı pasportunu almışdı. Kanala abunə ol - https://goo.gl/TcM9Fm Bizə maddi dəstək ol https://cutt.ly/destek WebSite: http://www.meydan.tv Facebook: http://fb.com/MeydanTelevision Twitter:   / meydantv   Google+ https://plus.google.com/+MeydanTelevi... İnstagram:   / meydantv   __________________________________________________________________ Xəbərdən çox xəbər var. Çəkin göndərin yayımlayaq - Whatsapp : +4915777662277